بەلگىلى جۋرناليست ماقسوت ءىزىمۇلى دۇنيەدەن ءوتتى

1127
Adyrna.kz Telegram
https://adyrna.kz/content/uploads/2025/06/4c028220-8247-4e82-a669-c3e7e57ce431-960x500.jpeg?token=51fde961e991b9f30344e84406b17a1e

قازاقستان جازۋشىلار وداعىنىڭ مۇشەسى، پروزاشى، جۋرناليست، اۋدارماشى ماقسوت ءىزىمۇلى دۇنيەدەن ءوتتى. بۇل قايعىلى حاباردى ادەبيەتتانۋشى-عالىم، ەسسەيست ماقسات ءتاج-مۇرات Facebook پاراقشاسىندا جەتكىزدى، دەپ حابارلايدى “ادىرنا”.

ماقسوت ىزىمۇلى 1960 جىلى 27 ماۋسىمدا اتىراۋ وبلىسى، قىزىلقوعا اۋدانى، جاسقايرات (قازىرگى ح.دوسمۇحامبەتوۆ) اۋىلىندا تۋعان. 

1983 جىلى قازمۋ-ءدىڭ جۋرناليستيكا فاكۋلتەتىن تامامداعان.

مەكتەپ بىتىرگەن سوڭ اۋداندىق «قازسەلحوزتەحنيكا» بىرلەستىگىندە اۆتوموبيل جوندەۋشى بولىپ جۇمىس ىستەگەن. وبلىستىق «ورال ءوڭىرى» گازەتىنىڭ رەداكتسياسىندا قىزمەت اتقارعان. «زەردە»

جۋرنالىنىڭ رەداكتسياسىندا فانتاستيكا جانە پۋبليتسيستيكا بولىمىندە، «انا ءتىلى»، «زاڭ»، «تۇركىستان»، «ارۋانا» گازەتتەرىندە، «جالىن» جۋرنالىندا، «قازاق ەنتسيكلوپەدياسىنىڭ» باس رەداكتسياسىندا قىزمەت اتقارعان. قازىر «ارىس» باسپاسىنىڭ باس رەداكتورى.

1998 جىلى «اياقتالمايتىن اڭگىمە»، 2003 جىلى «بەدەرىندەي كەستەنىڭ» اتتى پروزالىق جيناقتارى جارىق كورگەن. 2004 جىلى قازاقستان رەسپۋبليكاسى مادەنيەت جانە اقپارات مينيسترلىگىنىڭ تاپسىرماسى بويىنشا شىققان «نارىق ناقىشتارى» دەگەن انتالوگياعا اڭگىمەسى ەنگەن.

پىكىرلەر