كاليفورنيا شتاتىنىڭ گۋبەرناتورى گەۆين نيۋسوم دونالد ترامپتىڭ ۇلتتىق گۆارديانى شتاتقا جىبەرۋ تۋرالى شەشىمىن "قاساقانا ارانداتۋشىلىق" دەپ اتادى. ونىڭ ايتۋىنشا، جەرگىلىكتى قۇقىق قورعاۋ ورگاندارى جاعدايدى باقىلاۋدا ۇستاپ وتىر، ال فەدەرالدى بيلىك تەك "قويىلىم ۇيىمداستىرىپ وتىر". بۇل تۋرالى CNN تەلەارناسىنا سىلتەمە جاساپ Report جازدى، دەپ حابارلايدى “ادىرنا”.
اق ءۇي بولسا، اسكەر ەنگىزۋدى "قۇقىق بۇزۋشىلىقتى توقتاتىپ، زاڭسىز قىلمىسكەرلەردىڭ باسىپ كىرۋىن بولدىرماۋ" قاجەتتىگىمەن تۇسىندىرەدى. اق ءۇيدىڭ ءباسپاسوز حاتشىسى كەرولاين ليۆيتت كاليفورنياداعى دەموكراتتاردى "ازاماتتاردى قورعاۋ مىندەتتەرىن مۇلدەم ەلەمەي وتىر" دەپ ايىپتادى. الايدا لوس-اندجەلەس پوليتسياسىنىڭ مالىمەتىنشە، سەنبى كۇنى وتكەن نارازىلىق اكتسيالارى بەيبىت
پاراماۋنت قالاسىنىڭ شەتىندە دەمونسترانتتاردى تاراتۋ ءۇشىن كوزدەن جاس اعىزاتىن گاز بەن جارىق-دىبىس گراناتالارى قولدانىلدى. ءتورت ادام ۇستالدى. نارازىلىقتار كوشى-قون قىزمەتى جۇرگىزگەن رەيدتەر بارىسىندا 44 ميگرانتتىڭ ۇستالۋىنان كەيىن باستالعان.
قۇقىق قورعاۋ ورگاندارىنىڭ رەسمي وكىلدەرى ۇلتتىق گۆارديانى ورنالاستىرۋدى شامادان تىس شارا دەپ باعالاپ، ونىڭ كەرى اسەرى بولۋى مۇمكىن ەكەنىن ايتىپ وتىر. بۇل — 1992 جىلدان بەرى لوس-اندجەلەسكە شتات بيلىگىنىڭ سۇرانىسىنسىز اسكەر ماجبۇرلەپ جىبەرىلگەن العاشقى جاعداي.
بۇعان دەيىن اقش پرەزيدەنتى دونالد ترامپ نارازىلىق اكتسيالارى كەزىندە بەتپەردە تاعۋعا تىيىم سالعان بولاتىن.
