اقش-تىڭ فەدەرالدىق بيلىگى لوس-اندجەلەس قالاسىندا انتيميگراتسيالىق رەيدتەرگە قارسى نارازىلىقتار اياسىندا ورنالاستىرىلعان ۇلتتىق ۇلان ساربازدارىنىڭ سانىن ەكى ەسە ارتتىرىپ، 4000 ادامعا دەيىن جەتكىزۋ تۋرالى شەشىم قابىلدادى. بۇل تۋرالى 9 ماۋسىمدا كاليفورنيا شتاتىنىڭ گۋبەرناتورى گەۆين نيۋسوم ايتتى، دەپ حابارلايدى «ادىرنا» ءتىلشىسى.
ۇلتتىق ۇلاننىڭ جاڭا بولىمشەلەرىنەن بولەك، لوس-اندجەلەسكە كاليفورنيادا ورنالاسقان «كەمپ-پەندلتون» بازاسىنان 700 تەڭىز جاياۋ اسكەرى دە جىبەرىلەدى. اقش پرەزيدەنتى اكىمشىلىگى بۇل شەشىمدى فەدەرالدىق قىزمەتكەرلەر مەن عيماراتتارعا باعىتتالعان قاۋىپ-قاتەرلەردىڭ كۇشەيۋىمەن ءتۇسىندىردى.
دونالد ترامپ لوس-اندجەلەستە جالعاسىپ جاتقان نارازىلىقتارعا قاتىستى پىكىر ءبىلدىردى. ايتۋىنشا، بۇلىكتى كاسىبي ۇگىتشىلەر ۇيىمداستىرىپ وتىر. پرەزيدەنت كاليفورنياعا جەرگىلىكتى بيلىككە ەمەس، فەدەرالدىق ورتالىققا باعىناتىن كۇشتىك قۇرىلىم وكىلدەرىن ودان ءارى كوپ مولشەردە جىبەرەتىنىن ەسكەرتتى.
ەسكە سالايىق، 7 ماۋسىمدا لوس-اندجەلەستە اقش-تىڭ كوشى-قون ساياساتىنا نارازىلىق بىلدىرۋشىلەر جاپپاي كوتەرىلىسكە شىققان ەدى. الاڭداعىلار پوليتسيا كولىكتەرىن ورتەپ جىبەرگەن بولاتىن. جۇزدەن استام ادام ۇستالدى. ال 9 ماۋسىمدا اقش-تىڭ لوس-اندجەلەس قالاسىنىڭ ورتالىعىنا جينالۋعا زاڭمەن تىيىم سالىندى.
