مەملەكەت باسشىسى قاسىم-جومارت توقاەۆ ءۇندىستان پرەمەر-ءمينيسترى نارەندرا موديگە احمەداباد قالاسى اۋەجايىنىڭ ماڭىندا بولعان جولاۋشىلار ۇشاعى اپاتىنان كوپتەگەن ادامنىڭ قازا تابۋىنا بايلانىستى كوڭىل ايتتى. بۇل تۋرالى اقوردانىڭ ءباسپاسوز قىزمەتى ايتتى، دەپ حابارلايدى «ادىرنا» ءتىلشىسى.
«قازاقستان پرەزيدەنتى اۋە اپاتىنان قازا بولعان ازاماتتاردىڭ وتباسىلارى مەن جاقىندارىن سابىرعا شاقىرىپ، جاراقات العانداردىڭ تەزىرەك ساۋىعىپ كەتۋلەرىنە تىلەكتەستىك ءبىلدىردى»،—دەلىنگەن حابارلامادا.
ەسكە سالايىق، بۇعان دەيىن ءۇندىستاندا جولاۋشىلار ۇشاعىنىڭ اپاتقا ۇشىراعانىن جازعان ەدىك.
