باشقۇرتتىڭ «Ay Yola» توبى ماڭعىستاۋدا بەينەبايان ءتۇسىردى. بۇل تۋرالى وڭىرلىك قوعامدىق كوممۋنيكاتسيالار ورتالىعى ايتتى، دەپ حابارلايدى «ادىرنا» ءتىلشىسى.
بەينەبايان ءتۇسىرۋ جۇمىستارى بوزجىرا، قىزىلكۇپ، بوقتى، تورىشتىڭ جەرىندە وتكەن.
«Ay Yola» توبى ءوڭىر ءتۋريزمىن دامىتۋ ءۇشىن ماڭعىستاۋ وبلىسىنىڭ اكىمى نۇرداۋلەت قيلىبايدىڭ شاقىرتۋىمەن ارنايى كەلدى. توپ مۇشەلەرىنىڭ ايتۋىنشا، ماڭعىستاۋ جەرىندە «Yola» انىنە تۇسىرىلگەن بەينەبايان 13 ماۋسىم كۇنى جارىققا شىعادى»،–دەلىنگەن حابارلامادا.
ونەرپازدار اتالعان انگە بەينەبايان ءتۇسىرۋدى قازاقستانمەن شەكتەلىپ قالماي، وزبەكستان، ياكۋتيا، باشقۇرتستاندا دا تۇسىرگەن.
ايتا كەتسەك، باشقۇرتتىڭ «Ay Yola» توبى كوپشىلىككە «Homay» انىمەن تانىلعان بولاتىن.
