13 ماۋسىمعا قاراعان ءتۇنى ءيزرايلدىڭ يرانعا جاساعان اۋە شابۋىلىنان كەيىن، ءيزرايلدىڭ بۇكىل الەمدەگى ەلشىلىكتەرى مەن كونسۋلدىقتارى جابىق، دەپ حابارلايدى "ادىرنا" ۇلتتىق پورتالى DW-گە سىلتەمە جاساپ.
ءتيىستى مالىمدەمە ءيزرايلدىڭ بەرليندەگى ەلشىلىگىنىڭ رەسمي سايتىندا جانە وزگە دە ەلدەردەگى ديپلوماتيالىق سايتتاردا جاريالاندى.
«سوڭعى وقيعالاردى ەسكەرە وتىرىپ، ءيزرايلدىڭ بۇكىل الەمدەگى ديپلوماتيالىق وكىلدىكتەرى جابىق. كونسۋلدىق قىزمەتتەر ۋاقىتشا كورسەتىلمەيدى»، - دەلىنگەن رەسمي حابارلامادا.
مۇنداي ەسكەرتۋ ءيزرايلدىڭ اقش، ۇلىبريتانيا، شۆەتسيا، نورۆەگيا، فرانتسيا، نيگەريا، رەسەي جانە ۋكرايناداعى ەلشىلىكتەرىنىڭ سايتتارىندا دا ورنالاستىرىلعان.
⠀
ەسكە سالايىق، بۇعان دەيىن يزرايل يرانداعى بىرقاتار نىساندارعا، سونىڭ ىشىندە تەگەران قالاسىنا جانە ناتانز يادرولىق ورتالىعىنا جاپپاي سوققىلار جاساعان بولاتىن. يراندىق باق-تىڭ حابارلاۋىنشا، بۇل شابۋىلدار كەزىندە يران قارۋلى كۇشتەرى باس شتابىنىڭ باستىعى موحامماد باگەري مەن يسلام رەۆوليۋتسياسى ساقشىلار كورپۋسىنىڭ (كسير) قولباسشىسى حوسەين سالامي قازا تاپقان.
