دۋباي قالاسىنداعى ايگىلى Dubai Marina اۋدانىندا ورنالاسقان Tiger Tower تۇرعىن ءۇي كەشەنىندە ءىرى ءورت بولدى، دەپ حابارلايدى “ادىرنا” ۇلتتىق پورتالى.
ءتىلسىز جاۋ عيماراتتىڭ جوعارعى قاباتتارىنان تۇتانعان. توتەنشە جاعدايلار قىزمەتى 764 پاتەردە تۇراتىن 3820 تۇرعىندى تولىق ەۆاكۋاتسيالادى. ورتتەن زارداپ شەككەندەر جوق.
قالالىق بيلىكتىڭ حابارلاۋىنشا، ءورتتى ءسوندىرۋ 6 ساعاتقا سوزىلعان. قازىر قاۋىپ تولىق سەيىلگەن.
وقيعا سالدارىنان Dubai Marina مەن Palm Jumeirah ستانتسيالارى اراسىنداعى كولىك قوزعالىسى باياۋلاعان. قالا اكىمدىگى تۇرعىندارعا ۋاقىتشا باسپانا بەرۋ ماسەلەسىن قۇرىلىس كومپانياسىمەن بىرلەسە قاراستىرۋدا.
ۇقساس جاڭالىقتار
سانكتسياعا ىلىككەن رەسەي قاۋىپسىزدىك كۇشتەرىنىڭ بالالارى سوعىس كەزىندە شەتەلدە قالاي كوڭىل كوتەرەدى؟
