"ورمان ءورتى ءورشۋى مۇمكىن"- مينيستر

اباي وبلىسىنداعى ورمان ءورتى ءوشۋدىڭ ورنىنا، ءورشۋى مۇمكىن، دەپ حابارلايدى “ادىرنا” ءتىلشىسى توتەنشە جاعداي مينيسترلىگىنە سىلتەپ. 60 مىڭ گەكتارعا تارالعان ءورت اۋا تەمپەراتۋراسىنا بايلانىستى كۇشەيۋى كۇتىلۋدە. بۇل تۋرالى رەسپۋبليكانىڭ سۋ جاڭا توتەنشە جاعداي ءمينيسترى سىرىم ءشارىپحانوۆ مالىمدەدى. «تەمپەراتۋرالىق فوننىڭ جوعارىلاۋىنا جانە ەكپىندى جەلگە بايلانىستى ءورتتىڭ تارالۋىنىڭ كۇشەيۋى مۇمكىن، بىراق بىزدە ونى وقشاۋلاۋ ءۇشىن كۇشتەر مەن قۇرالداردى توپتاستىرۋ جەتكىلىكتى»، - دەدى مينيستر. سونداي-اق، سىرىم ءشارىپحانوۆ شىعىس باعىتتاعى ۇشۋ كەزىندە ءورت بەلسەندىلىگى انىقتالعانىن، الايدا، ءورتتى جويۋ بويىنشا ناقتى قويىلعان مىندەتتەردى اتاپ ءوتتى. ءورت باستالعاننان-اق كولەمى 3000 توننادان اساتىن 1017 سۋ توگۋ جۇمىستارى جۇرگىزىلگەن. قازىرگى ۋاقىتتا جالىننىڭ جالپى اۋماعى 60 مىڭ گەكتار بولسا، ونىڭ 43 مىڭ گەكتارى جانىپ جاتىر.