جۋىردا قازاقستان رەسپۋبليكاسى تۇڭعىش پرەزيدەنتى-ەلباسىنىڭ قورى كونتسەرتتىك زالىندا تۇركى الەمىنىڭ ورىنداۋشىلارىنىڭ قاتىسۋىمەن، حالىقارالىق كونكۋرستاردىڭ لاۋرەاتى قوبىزشى اقەركە تاجىباەۆانىڭ «ارالاپ قوبىز ءۇنى كەڭ الەمدى...» اتتى اسپاپتىق مۋزىكا كەشى ءوتتى.
كونە قوبىز – تالاي عاسىرلار بويى قازاقتىڭ كۇي ونەرىن ساناسىندا ساقتاپ، ناسيحاتتاپ كەلە جاتقان اسپاپ. ءتىپتى بۇل اسپاپتى –بۇكىل مۋزىكالىق اسپاپتاردىڭ اتاسى دەگەن پىكىرقالىپتاسقان. ورتا ازيا تۇركى تىلدەس حالىقتارىنىڭ اسپاپتىق مۋزىكا تاريحىندا بىرنەشە عاسىرلىق عۇمىرى بار تيپولوگيالىق تۋىستىق اسپاپتار كەزدەسەدى. حالىق ءوزىنىڭ تاريحي قالىپتاسۋ كەزەڭدەرىن مۋزىكالىق ونەردە ناقتىلى ايتقاندا، قوبىز سارىنىندا قالدىرا بىلگەن. سونىڭ ارقاسىندا كۇي شەجىرەسى كونە اسپاپ ارقىلى باياندالىپ، كەلەر ۇرپاققا جەتكىزىلدى. كونتسەرتتىڭ باستى ماقساتى - حالقىمىزدىڭ رۋحاني جان سەرىگىنە اينالعان مۋزىكالىق ءتول اسپاپتاردىڭ قادىر قاسيەتىن ساقتاپ، كەلەر ۇرپاقتىڭ رۋحاني يگىلىگىنە اينالدىرۋ، شەتەلدەن كەلگەن ونەر شەبەرلەرىنە قازاقتىڭ حالىق مۋزىكاسىن، ۇلتتىق اسپابىن تانىتۋ، وسكەلەڭ جاس ۇرپاققا ۇلتتىق مۋزىكامەن اسپاپتىق مۋزىكانى جان جاقتى ناسيحاتتاۋ ەدى. كونتسەرتتە: تۇركى الەمىندە قوبىز اساپابىنا ۇقساس تۋىستىق اسپاپتاردا ورىندايتىن گيۋردال يرفان (تۇركيا), مۋساەۆ شەحريار (ازەربايجان), بەرديكۋلوۆا اينۋر (قىرعىزستان), كريۆوشاپكينا يۋليانا (ياكۋتيا), ۋرانچيمەگ ودونتۋنگالاگ (موڭعوليا) ەلدەرىنىڭ ونەر مايتالماندارى، سونىمەن قاتار Alla Bravo ىشەكتى اساپتار كۆارتەتى، «اrt family house» مۋزىكالىق توبى، «اسىلىم» بي توبى، «Crystal» شوۋ-بالەتى ونەر كورسەتتى. حالىقتىڭ ىستىق ىقىلاسىنا بولەنەگەن شەتەل ونەرپازدارى ءوز ەلدەرىنە كونتسەرتتەن ەستەلىك رەتىندە بەرىلگەن «ارالاپ قوبىز ءۇنى كەڭ الەمدى...» دەگەن كونتسەرتتىڭ اتاۋى جازىلعان جۇلدىزدى ستاتۋەتكالارىن الىپ كەتتى. كونتسەرتكە جينالعان قاۋىم، زالعا سىماي، كوبىسى كەشتىڭ سوڭىنا دەيىن تۇرىپ تۇردى...
