2019 جىلعى 1 قاراشا كۇنى، ساعات 11:00 دە قازاقستان رەسپۋبليكاسى مادەنيەت جانە سپورت مينيسترلىگى ءتىل ساياساتى كوميتەتى مەن شايسۇلتان شاياحمەتوۆ اتىنداعى «ءتىل-قازىنا» ۇلتتىق عىلىمي-پراكتيكالىق ورتالىعىنىڭ ۇيىمداستىرۋىمەن «لاتىن گرافيكالى كەڭىستىكتەگى جارناما ساۋاتتىلىعى» اتتى رەسپۋبليكالىق ونلاين سەمينارى وتەدى.
ونلاين سەميناردىڭ ماقساتى – ورفوگرافيالىق توپ مۇشەلەرى تاراپىنان دايىندالعان «گرافيكالىق كەڭىستىكتەگى جارناما» نۇسقاۋلىعىن ساراپشىلار مەن عالىمدار تالقىسىنا ۇسىنىپ، ساراپتامادان وتكىزۋ. بۇل ەڭبەكتە جارناما ماتىندەرىن جازۋدا جاڭا ەملە ەرەجەلەرى مەن پۋنكتۋاتسيا ەرەجەلەرىن دۇرىس ءارى ساۋاتتى قولدانۋ ماسەلەلەرى قاراستىرىلعان. نۇسقاۋلىقتا سىرتقى جارناما جانە باسپاسوزدەگى، ينتەرنەتتەگى، تەلەديدارداعى جارنامالاردان 1000-عا تارتا دەرەك جينالىپ، تالدانعان.
سەمينارعا «ءتىل-قازىنا» ۇلتتىق عىلىمي-پراكتيكالىق ورتالىعىنىڭ اتقارۋشى ديرەكتورى ە.تىلەش جانە وسى ورتالىقتىڭ باسقارما باسشىلارى مەن قىزمەتكەرلەرى، سونداي-اق ساراپشىلار «ازاتتىق» راديوسىنىڭ رەداكتورى ا.ماماشۇلى، «ۇلان» گازەتىنىڭ رەداكتورى ج.ءابدىلدا، ا.بايتۇرسىنۇلى اتىنداعى ءتىل ءبىلىمى ينستيتۋتىنىڭ جەتەكشى عىلىمي قىزمەتكەرى، ف.ع.ك. ا.سەيىتبەكوۆا، ق.جۇبانوۆ اتىنداعى اقتوبە وڭىرلىك مەملەكەتتىك ۋنيۆەرسيتەتىنىڭ وقىتۋشىسى، ف.ع.ك. ب.قاراعۇلوۆا، م.ح.دۋلاتي اتىنداعى تاراز مەملەكەتتىك ۋنيۆەرسيتەتىنىڭ وقىتۋشىسى، ف.ع.ك. ز.قۇلمانوۆا جانە وڭىرلەردەگى ءتىل ورتالىقتارىنىڭ باسشىلارى مەن ماماندارى قاتىسادى.
وتەتىن ورنى: نۇر-سۇلتان قالاسى، ساۋران كوشەسى، 7ا
ۆەب-سايت: www.tilalemi.kz,
www.qazlatyn.kz,
www.tilqazyna.kz,
ەل.پوشتا:bzhibek@mail.ru
ۇيالى تەلەفون: 8 701 782 787 1
