تانىمال بولۋدىڭ توتە جولى ۆاينەر اتانۋ. الەۋمەتتىك جەلىدە كۇنى مەن ءتۇنىن وتكىزەتىندەر سانى كوبەيگەن سوڭ ۆاينەرلارعا دا سۇرانىس ارتۋدا. اسىرەسە ينستاگرام جەلىسىندە ۆاينەرلەردىڭ ءداۋىرى ءجۇرىپ تۇر. بوقاۋىز سوزدەر، انايى اڭگىمەلەر ۆاينەرلەر ءۇشىن قالىپتى نارسە. قوعام دا وعان بەيىمدەلىپ العان. ۆاين ءتۇسىرۋ ەرىككەننىڭ ەرمەگى ەمەس. قىپ قىزىل اقشا. ارينە، اۋەلدە ەشكىم ساعان كەلىپ اقشاسىن ءۇي دە توك بەرە سالمايدى. جارناما بەرۋشىلەر ءبىرىنشى كەزەكتە ۆاينەرلەردىڭ جازىلۋشىلار سانىنا، ۆايندارىنىڭ ساپاسىنا قارايدى. ەلىمىزدە ۆاين ارقىلى تابىسقا كەنەلىپ وتىرعان ونشاقتى ۆاينەر بار. سولاردىڭ ءبىرى –حاكيم مۋكارام. ءوتىمدى ازىلدەرىمەن ينستاگرام جەلىسىندە ءوز اۋديتورياسىن قالىپتاستىرا العان حاكيم مۋكاراممەن كەزدەسىپ از-كەم سۇحباتتاسقان ەدىك.
- حاكيم، ۆاينەر بولۋ يدەياسى قالاي تۋدى؟ العاشقى ۆاينىڭ ەسىڭدە ما؟
-
- ارينە ەسىمدە. العاش رەت دوستارىممەن«ەپتۆويۋمات» دەپ اتالاتىن ۆاين تۇسىرگەنبىز. يۋتۋبتا قارالىم سانى كۇن ساناپ ەمەس ساعات ساناپ وسە باستادى. سول ساتتە وزىمە دەگەن سۇرانىس بار ەكەنىن سەزدىم.
- ۆاينەر دەگەنىمىز حوببي ما الدە تابىس كوزى ما؟
-
- ەكەۋى دە. ۆاينەردىڭ ءبارى قىرىپ اقشا تابادى دەي المايمىن. دەگەنمەن، كۇنىن كورىپ وتىرعاندار دا بار. جارتى جولدا شىداماي، ءتوزىمى تاۋسىلىپ قولىن سىلتەي سالعاندار قانشاما. جالپى كورەرمەندەرگە ۆاينەر بولۋ وڭاي بولىپ كورىنۋى مۇمكىن. شىن مانىندە ول ولاي ەمەس. كوپ ەڭبەكتى توزىمدىلىكتى تالاپ ەتەدى. ۆاينەر بولۋ وڭاي بولسا ەكىنىڭ ءبىرى سول سالادا جۇرەر ەدى.
- ۆايندارىڭدا بوقاۋىز ءسوزدى ءجيى پايدالاناسىڭ؟ نەگە؟
-
- بۇكىلالەمدە بولماسا دا قازاقستاندا بوقاۋىز ءسوزدى پايدالاناتىن جالعىز مەن ەمەس قوي. ءبارى بوقتايدى. بوقاۋىز ءسوزدى مەن ويلاپ تاپقان جوقپىن. مەن تەك قولدانامىن. مەن بىرەۋدى بوقتاپ ار نامىسىنا نۇقسان كەلتىرگەن ەمەسپىن. تەك ەموتسيامدى بىلدىرەمىن، جەتكىزەمىن.
- ءوزىڭ تۋرالى الەۋمەتتىك جەلىدە الىپ قاشپا اڭگىمەلەر كوپ. ۇلتىڭا بايلانىستى سان ءتۇرلى نۇسقالار ايتىلادى. ءوز اۋزىڭنان ەستىسەك...
-
- بۇل سۇراققا ەتىم ۇيرەنىپ قالدى. حاكيم ۇيعىر ەكەن، وزبەك ەكەن دەگەن ءسوزدى ءوزىم دە ءجيى ەستيمىن. الايدا مەن باياناۋىلدا تۋىپ وسكەن قازاقتىڭ قارا دومالاق بالاسىمىن. ۇيعىرعا دا وزبەككە دە ەش قاتىسىم جوق. ەسىمىم حاكيم بولعان سوڭ وزگە ۇلتپەن شاتاستىراتىن بولار. حاكىم اراپتىڭ ءسوزى بولعانىمەن قازاقتىڭ اراسىندا دا كەڭىنەن تارالعان. ابايدى ايتقاندا حاكىم ءسوزى قاتار جۇرەدى..
- ۆاينەر بولۋ تانىمال بولۋدىڭ ەڭ وڭاي جولى دەگەنگە كەلىسەسىڭ با؟
-
- بۇل مۇلدەم قاتە پىكىر. كەز كەلگەن ادام ۆاينەر بولا المايدى. ستسەناري جازعانعا قابىلەتىڭ بولماسا، اكتەرلىگىڭ اقساپ جاتسا، تەحنيكا ءتىلىن تۇسىنبەسەڭ، ۇلكەن ماقساتىڭ بولماسا، جالپى العاندا جان جاقتى بولماساڭ ۆاينەر بولام دەۋ بوس اۋرەشىلىك. ايتپەسە ءازىل ايتىپ جۇرگەن بالالاردىڭ ءبارى ۆاينەر اتانىپ كەتەر ەدى. 2014 جىلدارى ۆاينەر اتانۋ جەڭىل ەدى. سەبەبى قازاقستاندا ۆاينەرلىككە بەت بۇرعانداردىڭ سانى از ەدى. ەكى ۆيدەو ءتۇسىرىپ ۆاينەر اتانىپ كەتكەندەر قانشاما. ءال قازىر باسەكەلەستىك بار. سەنىڭ ۇسىنعان ءونىمىڭ وزگەلەردىكىنەن ەكەركشە بولۋى شار. حالىقتىڭ دا تالعامى وسكەن.
- ءسوز سوڭىندا ءوتباسىڭ تۋرالى دا ايتا كەتسەڭ.
- اكەم ەرتەدە دۇنيەدەن وزعان. وتكەن جىلى اتامدى اقتىق ساپارعا شىعارىپ سالدىم. جانۇيامنان قازىر انام مەن اجەم بار. جالپى تاتەلەرىم اعالارىم، ناعاشىلارىم بارشىلىق. جالپى ءوزىم تۋىستارىم جايلى كوپ ايتىپ، ءدۇيىم جۇرتقا كورسەتە بەرۋدى ۇناتپايمىن. بىرەۋدىڭ ءسوزى تيەدى، بىرەۋدىڭ كوزى تيەدى دەگەندەي...
- سۇحباتىڭا راحمەت.
"ادىرنا" ۇلتتىق پورتالى
