قازاق حالقىنىڭ 15 ۇزدىك ەرتەگىسى ءبىر اۋديوكىتاپقا جيناقتالىپ، جارىققا شىقتى.
«ءبىز 15 تومنان تۇراتىن اۋديوكىتاپتىڭ تۇساۋكەسەرىن وتكىزدىك. ولاردىڭ اربىرىندە ءبىر ەرتەگىدەن جازىلعان. قازاق حالقىنىڭ ەڭ تانىمال ەرتەگىلەرىن ىرىكتەپ الدىق. مىسالى: «جىل باسى»، «ءۇش ايۋ»، «ەكى لاق»، «كىم كۇشتى»، «ەرىككەن حان» جانە تاعى باسقالارى»، - دەيدى اۋديوكىتاپتى دايىنداعان «SANA Media» جشس ديرەكتورى قۇرالبەك اتامۇراتوۆ.
اۋديوكىتاپقا تاربيەلىك ءمانى بار حالىق ەرتەگىلەرى جيناقتالىپ وتىر. سونداي-اق ءاربىر شىعارما انمەن سۇيەمەلدەنىپ، سۋرەتتەرمەن بەزەندىرىلگەن.
«بۇگىنگى كۇنى دۇكەندەردە شەتەلدىك كىتاپتار كوپ ساتىلادى. سوندىقتان بالالارىمىز ءبارىن ورىس نەمەسە اعىلشىن تىلىندە وقيدى. ال قازاق تىلىندەگى ەرتەگىلەر جيناقتالعان اۋديوكىتاپتار جوق. بالالار حالىق ەرتەگىلەرىن انا تىلىندە وقىپ، ءتۇسىنۋى قاجەت. سوندىقتان وسىنداي ءونىمدى جارىققا شىعارىپ وتىرمىز»، - دەيدى اتامۇراتوۆ.
ونىڭ ايتۋىنشا، كىتاپتى دايىنداۋعا كاسىبي اكتەرلەر اتالىسىپ، كەيىپەرلەردى دىبىستاعان.
ءاربىر اۋديوكىتاپ 4 مىڭ دانادان تۇرادى، سوندا بارلىعى 60 مىڭ دانا ەرتەگىلەر جيناعى جارىق كورگەن.
