"ادىرنا" ۇلتتىق پورتالىندا 2019 جىلدىڭ قاراشا ايىنىڭ 23-ءى كۇنى https://adyrna.kz/post/26752 دەگەن ماقالا جاريالانعان بولاتىن. اۆتورى پورتالىمىزدىڭ تۇراقتى اۆتورى تۇراربەك قۇسايىنوۆ بولاتىن. ماقالانى قاز-قالپىندا ۇسىنساق.
قر باس پروكۋراتۋراسىنىڭ نازارىنا!
سۋفيزم/شيزمنىڭ ورتالىعى بولعان يران مەن ءسالافيزمنىڭ وتانى ساۋد ارابياسىنىڭ الەمدەگى ءدىني قاقتىعىسى مەن باسەكەلەسۋى (تاريح بويىنشا دا سولاي) ەشۋاقىتتا توقتامايتىنى بەلگىلى...سول ەكى ءدىني-ساياسي يدەولوگيانىڭ كونفرونتاتسيالىق تارتىسى ورتا ازيا مەن قازاقستاندا دا ءجۇرىپ جاتىر.
"ادىرنا" ۇلتتىق پورتالى وسى ءسۋننيزم/سالافيزم مەن شيزم/سۋفيزم سياقتى ءدىني باعىتتاردىڭ ءوزارا ساياسي -ءدىني قاقتىعىسى تۋرالى "شىرماۋىق" اتتى ساراپتامالىق كىتابىمدى قالىڭ وقىرمانعا ۇسىنعان ەدى. قازاق ەلى مەن الەمنىڭ وزىق دامىعان مەملەكەتتەرىندە حالىقارالىق تەرروريستىك توپ بولىپ سانالاتىن "حەزبوللاح" نەمەسە "كسير" سياقتى اسكەري ۇيىمدار جانە تەوكراتيالىق يسلام رەۆوليۋتسياسىنىڭ ۇستەمدىگىن ، ودان قالسا انتيسەميتيزمدى قولداپ، قوزدىرىپ وتىرعان يران بۇقارالىق اقپارات قۇرالدارى مەن سايتتارى قازاقستان اۋماعىندا رەاكتسيوندىق يدەيالارىن جارنامالاۋعا اشىق تۇردە كىرىستى.
وسى ورايدا قر باس پروكۋراتۋراسىنان قازاقستان رەسپۋبليكاسى زايىرلى- قۇقىقتىق-دەموكراتيالىق مەملەكەت ەكەنىن ەسكەرە وتىرىپ تەز ارادا يران يسلام رەسپۋبليكاسىنىڭ ساياسي-تەوكراتيالىق ۇستانىمدارى مەن مەملەكەتتىك ناسيحاتىنا (باق-تار ارقىلى پروپاگاندا)
قازاقستان رەسپۋبليكاسىنىڭ اۋماعىندا تيىم سالۋلارىڭىزدى وتىنەمىن!
https://parstoday.com/kk/news/middle_east-i41166
https://parstoday.com/kk/news/kazakhstan-i41193
https://parstoday.com/kk/news/kazakhstan-i41131
https://parstoday.com/kk/news/iran-i40347
https://parstoday.com/kk/news/iran-i37222
تۇراربەك قۇسايىنوۆتىڭ وسى ماقالاسىنان كەيىن قازاقستاندا ەمىن-ەركىن اقپارات تاراتىپ وتىرعان اتالعان سايت بۇعاتتالىپتى. ءار اۆتورىمىزدىڭ ماقالاسىنان ۇلتقا پايدالى ناتيجە شىعىپ جاتسا ءبىز ءۇشىن ۇلكەن قۋانىش.
"ادىرنا" ۇلتتىق پورتالى
