قىتاي ازاماتتارىنا قازاقستانعا ۆيزاسىز كىرۋگە رۇقسات بەرىلدى

1 قاڭتاردان باستاپ قىتاي جانە ءۇندىستان ازاماتتارى قازاقستان اۋماعىندا 72 ساعات ۆيزاسىز جۇرە الادى. «2020 جىلدىڭ 1 قاڭتارىنان باستاپ قر ۇكىمەتىنىڭ «يمميگرانتتاردىڭ قازاقستان رەسپۋبليكاسىنا كەلۋىنىڭ، سونداي-اق ولاردىڭ قازاقستان رەسپۋبليكاسىنان كەتۋىنىڭ جانە كوشى-قوندى باقىلاۋدى جۇزەگە اسىرۋ، سونداي-اق قازاقستان رەسپۋبليكاسىنىڭ مەملەكەتتىك شەكاراسىن زاڭسىز كەسىپ وتكەن، قازاقستان رەسپۋبليكاسىنا زاڭسىز كەلگەن شەتەلدىكتەر مەن ازاماتتىعى جوق ادامداردى تىركەۋ ەرەجەسىن بەكىتۋ تۋرالى» قاۋلىسىنا سايكەس، نۇر-سۇلتان، الماتى، شىمكەنت، اقتاۋ، قاراعاندى جانە تاراز قالالارىنداعى حالىقارالىق اۋەجايلارى ارقىلى ترانزيتپەن وتەتىن قىتاي جانە ءۇندىستان رەسپۋبليكالارىنىڭ ازاماتتارى ءۇشىن قازاقستان اۋماعىنا كىرۋ ءۇشىن 72 ساعات ۆيزاسىز رەجيم ىسكە قوسىلادى» – دەلىنگەن حابارلامادا.

"ادىرنا" ۇلتتىق پورتالى