ەسكە سالايىق، بۇگىن تاڭەرتەڭ يراندا 180 جولاۋشىسى بار ۋكراينالىق ۇشاقتىڭ قۇلاعانى حابارلانعان بولاتىن. لاينەردىڭ "تەحنيكالىق اقاۋعا" بايلانىستى يمام حومەيني اتىنداعى حالىقارالىق اۋەجايى ماڭىندا اپاتقا ۇشىراعانى بەلگىلى بولدى. اۋەجاي باسشىسى بۇل اقپاراتتى راستاپ، ۇشاقتىڭ اۋەجايدان ۇشىپ شىققان بويدا اپاتقا ۇشىراعانىن مالىمدەدى.
ارتىنشا يران اۋەجايىنىڭ وكىلدەرى ۋكراينالىق ۇشاقتىڭ اپاتقا ۇشىراۋ سەبەبىن اتادى، - دەپ حابارلايدى ريا نوۆوستي. "ۇشاقتىڭ قوزعالتقىشىندا بولعان ءورت جولاۋشىلار ۇشاعىنىڭ اپاتقا ۇشىراۋىنا سەبەپ بولدى", - دەپ مالىمدەدى اۋەجايدىڭ رەسمي وكىلى IRNA اگەنتتىگىنە بەرگەن سۇحباتىندا.
وسىعان دەيىن يراندا اپاتقا ۇشىراعان ۋكراينالىق لاينەردىڭ بورتىندا بولعان بارلىق ادام قازا تاپقانى حابارلانعان ەدى.
ارتىنشا قازاقستاننىڭ سىرتقى ىستەر مينيسترلىگى قازا تاپقانداردىق اراسىندا قازاقستاندىقتاردىڭ جوق ەكەنىن رەسمي مالىمدەدى.
