قىتاي حالىق رەسپۋبليكاسىندا كوروناۆيرۋستىڭ تۋىنداپ، پنەۆمونيانىڭ ورشۋىنە بايلانىستى قازاقستان رەسپۋبليكاسىندا سانيتارلىق باقىلاۋ شارالارى كۇشەيتىلدى.
بۇگىن قازاقستان رەسپۋبليكاسى دەنساۋلىق ساقتاۋ مينيسترلىگى تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ كوميتەتى، كولىكتەگى تاۋارلار مەن قىزمەتتەردىڭ قاۋىپسىزدىگىن باقىلاۋدى باقىلاۋ دەپارتامەنتى الماتى قالاسى اۋەجايىنىڭ سانيتارلىق-كارانتيندىك پۋنكتىمەن بىرلەسىپ حالىقارالىق اۋەجايدا وقۋ-جاتتىعۋ وتكىزەتىندىگىن حابارلادى.
ءىس-شارا كوروناۆيرۋستىق ينفەكتسيانىڭ قازاقستانعا اكەلىنۋىنىڭ الدىن الۋ جانە بولدىرماۋ ماقساتىندا وتكىزىلىپ وتىر. بۇل شارا سانيتارلىق جانە ەپيدەمياعا قارسى ءىس-شارالاردى وتكىزۋگە جاۋاپتى «حالىقارالىق الماتى اۋەجايى» اق جانە الماتى قالاسىنىڭ باسقا ۇيىمدارى مەن دەپارتامەنتتەرىنىڭ مەديتسينالىق قىزمەتكە دايىندىعىن باعالاۋ ماقساتىندا ۇيىمداستىرىلىپ وتىر.
بۇعان دەيىن وتاندىق ماماندار كوروناۆيرۋس جۇقتىرعان كەزدە قانداي بەلگىلەر بولاتىنىن ايتقان بولاتىن.
بۇگىنگى تاڭدا كوروناۆيرۋستان 17 ادام قازا تاۋىپ، 550 ادام زارداپ شەكتى. قىتايدىڭ كەيبىر قالالارى كارانتينگە جابىلدى.
