قىتايداعى بەلگىسىز ۆيرۋس

965

"قىتايدا ناعىز اقىرزامان باستالدى" دەپ جارىسا جازۋدا الەمدىك باق وكىلدەرى. بەلگىسىز ۆيرۋستىڭ تاراۋى وسى اپتادا ەسەلەپ ارتقان. 

وعان قىتايداعى جاڭا جىل مەرەكەسىنىڭ تويلانۋى اسەر ەتكەن. ەل ىشىندەگى اۋە رەيستەرىنىڭ سانى ارتقاندىقتان، جولاۋشىلار ۆيرۋستى ەلدىڭ بارلىق ايماعىنا تاراتىپ ۇلگەرگەن. كۇنى كەشە عانا شىعىس تۇركىستاندا ەكى ادام اتالمىش ۆيرۋستى جۇقتىردى دەگەن كۇدىكپەن اۋرۋحاناعا جاتقىزىلعان.

ۆيرۋس بۇگىندە مۇحيت اسىپ اقش-قا، تەڭىز اسىپ جاپونياعا جەتكەن. قىتايمەن كورشىلەس ەلدەردىڭ دە ازاماتتارى بۇل ۆيرۋستى جۇقتىرىپ ۇلگەرگەن. اتاپ ايتاتىن بولساق، تايلاند، وڭتۇستىك كورەيا، سينگاپۋر، گونكونگ پەن رەسەيگە جەتكەن. ازىرگە بۇل بەلگىسىز ەپيدەميانى ەمدەۋدىڭ ءتاسىلى تابىلمادى.

بۇگىنگى تاڭدا ۆيرۋستان 26 ادام كوز جۇمىپ، 849 ادام اۋرۋحاناعا جاتقىزىلعان. سونىمەن بىرگە 1072 ادام ۆيرۋستى جۇقتىرۋى مۇمكىن دەگەن كۇدىكپەن باقىلاۋعا الىنعان. ۆيرۋسپەن كۇرەسۋ ءۇشىن قىتاي بيلىگى 144 ملن دوللار بولگەن. ۆيرۋس وشاعى بولىپ تابىلاتىن ۋحان قالاسىن جانە حۋانگان، ەچجوۋ قالالارىن وقشاۋلاپ تاستادى.

قالاعا اۋە بايلانىسى توقتاتىلعان، كولىك قاتىناسى شەكتەلگەن. اسكەري باقىلاۋ پوستتارى قالانىڭ شىعىس جولدارىن باقىلاۋعا الىپ، ەشكىمدى شىعارماۋدا.

Bugin.kz

پىكىرلەر