ريكاردو لارا جۇكەمباەۆقا: جەڭەتىنىڭە سەنبەسەڭ نەمەنەگە شىعاسىڭ؟!

360

ءبىرىنشى جارتىلاي ورتا سالماقتاعى قازاقستاندىق بوكسشى باتىر جۇكەمباەۆتىڭ (17-0, 13 كو) قارسىلاسى مەكسيكالىق ريكاردو لارا (22-7, 10 كو) الداعى جەكپە-جەكتە ناعىز شوۋ كورسەتۋگە ۋادە بەردى. بۇل تۋرالى Vesti.kz حابارلايدى.

جۇكەمباەۆ پەن لارا جەكپە-جەگى 25 قاڭتار مونرەالداعى Montreal Casino ارەناسىندا وتەتىن بوكس كەشىنىڭ باستى وقيعاسى بولماق. قازاق بوكسشىسى WBA Continental Americas جانە IBF Inter-Continental بەلبەۋلەرىن قورعايدى.

«جەكپە-جەك تۋرالى ۇسىنىس كەلگەندە جاتتىعىپ جۇرگەنمىن جانە جاقسى قالىپتامىن. Eye Of The Tiger كومپانياسىا وسىنداي مۇمكىندىك ءۇشىن العىس بىلدىرەمىن. بوكس كەشىنىڭ باستى جەكپە-جەگىندە تيتۋل ءۇشىن جۇدىرىقتاسۋ ۇلكەن ابىروي. قارسىلاسىمنىڭ كەزدەسۋلەرىن تاماشالادىم. بولاشاعى ۇلكەن بوكسشى، مىقتى جاقتارى كوپ. جانكۇيەرلەر بۇل جەكپە-جەكتە ونى باسىم بولادى دەپ بەكەر ەسەپتەمەيدى.  دەگەنمەن بۇل بوكس. جەڭەتىنىڭە سەنبەسەڭ نەمەنەگە شىعاسىڭ؟! جاقسى دايىندالدىم، ىنتام دا زور. كورەرمەندەرگە ۇلكەن شوۋ سىيلاعىم كەلەدى»، – دەيدى لارا.

پىكىرلەر