Birinshi jartylaı orta salmaqtaǵy qazaqstandyq boksshy Batyr Júkembaevtyń (17-0, 13 KO) qarsylasy meksıkalyq Rıkardo Lara (22-7, 10 KO) aldaǵy jekpe-jekte naǵyz shoý kórsetýge ýáde berdi. Bul týraly Vesti.kz habarlaıdy.
Júkembaev pen Lara jekpe-jegi 25 qańtar Monrealdaǵy Montreal Casino arenasynda ótetin boks keshiniń basty oqıǵasy bolmaq. Qazaq boksshysy WBA Continental Americas jáne IBF Inter-Continental belbeýlerin qorǵaıdy.
«Jekpe-jek týraly usynys kelgende jattyǵyp júrgenmin jáne jaqsy qalyptamyn. Eye Of The Tiger kompanııasya osyndaı múmkindik úshin alǵys bildiremin. Boks keshiniń basty jekpe-jeginde tıtýl úshin judyryqtasý úlken abyroı. Qarsylasymnyń kezdesýlerin tamashaladym. Bolashaǵy úlken boksshy, myqty jaqtary kóp. Jankúıerler bul jekpe-jekte ony basym bolady dep beker eseptemeıdi. Degenmen bul boks. Jeńetinińe senbeseń nemenege shyǵasyń?! Jaqsy daıyndaldym, yntam da zor. Kórermenderge úlken shoý syılaǵym keledi», – deıdi Lara.
