AQŞ-tyŋ būrynǧy prezidentı Donald Tramp UFC YouTube arnasyna bergen ekskliuzivtı sūhbatynda boksşy Gennadii Golovkinmen tanystyǧy turaly aitty, dep habarlaidy “Adyrna” ūlttyq portaly.
Tramptyŋ aituynşa, GGG özınıŋ harizmasymen köpşılıkten erekşelendı. Sondai-aq Aq üidıŋ eks-basşysy töbelesterdıŋ bırınde sudialar «qazaqstandyqty tonap kettı» dep esepteidı.
"Men sızdı Gennadii Golovkinnıŋ Saul Alvareske qarsy jekpe-jegınde kördım. Osyndai töreşılıktıŋ kesırınen men endı boks körgım kelmeidı. Naşar töreşı boksqa ziian dep oilaisyz ba?", - dep YouTube şoudyŋ jürgızuşısı Djim Norton Trampqa sūraq qoidy.
Donald Tramp öz jauabyn qazaqstandyq boksşymen alǧaşqy kezdesuındegı estelıkterden bastady.
«Men ol kezde Mar-a-Lagoda boldym (Floridadaǧy Donald Tramptyŋ jeke rezidensiiasynda). Ol jerde öte symbatty, bıraq būlşyqettı emes adamdar tūrady. Olardyŋ arasynda GGG esımdı jıgıt te bar. Men ol turaly ol kezde estıgen emespın. Men onyŋ boksşy ekenın bırden bıldım. Ol kelıp: «Menıŋ atym Golovkin, GGG. Men Medison Skver Gardende jekpe-jek ötkızemın», - dedı ol.
Tramp kezdesu kezınde Triple G älı öte jas ekenın aita kettı.
https://youtu.be/8cfjj80O7ic"Bıraq ol keremet edı. Ol basqalardan äldeqaida üzdık boldy. Men onyŋ chempion bolǧanyn kördım. Bıraq bırde onymen jekpe-jek boldy... Kımge qarsy ekenı maŋyzdy emes. Aitqym kelmeidı. Ony tonap kettı. Ol belgılı bır jekpe-jekte üstemdık etıp, öz paidasyna şeşım şyǧarǧan joq. Būl menıŋ jüregımdı auyrtady. Ol da sol kezde jaralanǧan. Būl jıgıt keremet küresker edı», - dep tüiındedı Donald Tramp.
Eske salaiyq, 41 jastaǧy Golovkin ötken jyldyŋ qyrküiek aiynan berı – meksikalyq Saul Kanelo Alvarespen (59-2-2, 39 KO) trilogiiadan keiın ringke şyqpaǧan bolatyn. Ol biyl orta salmaqtaǧy WBA Super, IBF jäne IBO tituldaryn bosatty.
