AQŞ prezidentı Donald Tramp Tesla kompaniiasynyŋ bas direktory İlon Maskty qoldau maqsatynda elektromobil satyp aldy, dep habarlaidy “Adyrna” ūlttyq portaly Anadoly agenttıgıne sıltep.
Tramp Tesla kölıgın Aq üi aulasyna aidap kırıp, İlon Maskpen bırge kamera aldynda suretke tüsken. Prezidenttıŋ aituynşa, ol ädette kölık jürgızbeidı. Alaida Maskty qoldaitynyn körsetu üşın kölık satyp alǧan.
“Men ony satyp alamyn, öitkenı būl, eŋ aldymen, jaqsy önım. Ekınşıden, ol özınıŋ küşı men ömırın osy salaǧa arnady, al menıŋ oiymşa, oǧan ädıletsızdık jasalyp jatyr,” – dedı Tramp.Ol qyzyl tüstı kölıkpen suretke tüsken.
“Ökınışke qarai, men kölık jürgıze almaimyn. Kölık basqarmaǧanyma köp boldy, bıraq būl kölık Aq üide bolady. Men qyzmetkerlerıme ony paidalanuǧa rūqsat beremın,” – dedı ol.Osyǧan deiın 2 jäne 8 nauryz künderı AQŞ-tyŋ bırneşe aimaǧynda Tesla avtosalondarynyŋ aldynda narazylyq aksiialary ötken bolatyn. Keibır dilerlık ortalyqtarda vandalizm aktılerı oryn alǧan.
Ūqsas jaŋalyqtar
