Ukraina qaruynyŋ keibır türlerınıŋ qozǧalys jyldamdyǧy men internetke qosylu mümkındıgıne qoiylǧan şekteulerdıŋ artynda AQŞ ükımetı tūruy mümkın. Būl turaly SpaceX kompaniiasynyŋ iesı ärı Starlink sputniktık bailanys jüiesınıŋ operatory İlon Mask aitty, dep habarlaidy «Adyrna» tılşısı.
Starlink jüiesı Kievke Resei nysandaryna ūşqyşsyz ūşu apparattaryn baǧyttauǧa, sondai-aq öz äue keŋıstıgın qorǧauǧa mümkındık beredı. Alaida 13 qazan künı keşke Ukraina tarapy jyldamdyqqa qatysty kütpegen jaŋa şekteuler äskeri mındetterdı oryndauǧa kedergı keltırıp jatqanyn mälımdegen.
Mask Starlink jüiesınıŋ äskeri maqsattaǧy nūsqasy — Starshield AQŞ ükımetınıŋ baqylauynda ekenın aitty.
Käsıpker būl turaly X äleumettık jelısınde jazdy. Ol būǧan deiın Ukrainanyŋ resmi tūlǧalarynyŋ, sonyŋ ışınde prezident Vladimir Zelenskiidıŋ bailanysty qalpyna keltıru turaly ündeulerıne jauap bergen.
«Būl qatelık dep ümıttenemın. Mümkın, būl kürdelı tehnikalyq aqau şyǧar», — degen edı Zelenskii britandyq BAQ-qa bergen sūhbatynda.
13 qazan künı keşke Starlink jüiesı qozǧalys jyldamdyǧyna saǧatyna 160 şaqyrym şekteu engızgen. Sonyŋ saldarynan būdan joǧary jyldamdyqpen qozǧalatyn kez kelgen qaru-jaraq internet jelısıne qosylu mümkındıgınen aiyrylǧan edı.
Ukrainanyŋ būrynǧy qorǧanys ministrı Mihail Fedorovtyŋ habarlauynşa, 14 qazan künı keşke qarai qyzmettıŋ jūmysy ışınara qalpyna keltırılgen.
«Starshield jüiesındegı jyldamdyq şekteuın tolyǧymen alyp tastau qazır Ukraina qorǧanysy üşın asa maŋyzdy», — dep jazdy ol X äleumettık jelısınde.
Fedorov İlon Maskke alǧys aityp, odan «būdan ärı de qoldau körsetudı» sūrady.
Şamamen bır saǧattan keiın Mask būl jazbaǧa jauap berdı.
«Starshield jüielerı AQŞ ükımetınıŋ ielıgınde jäne onyŋ basqaruynda. Jyldamdyqqa nemese qoldanu täsılıne qatysty kez kelgen şekteudı amerikalyq äskeriler, tüptep kelgende, AQŞ prezidentı belgıleidı», — dep jazdy ol.
Mask Starlink jüiesı «azamattyq nemese qorǧanys maqsatyndaǧy qyzmetke arnalǧanyn jäne şabuyldau sipatyndaǧy äskeri operasiialarda paidalanylmaitynyn» aitty. Onyŋ pıkırınşe, mūndai äreket kommersiialyq kompaniia üşın dūrys bolmas edı.
AQŞ ükımetı būl mäselege qatysty tüsınıkteme bergen joq. Degenmen Axios basylymyna aty-jönın jariialamaǧan joǧary lauazymdy amerikalyq şeneunık Vaşingtonnyŋ Ukrainadaǧy Starlink jūmysyna qoiylǧan şekteulerge qatysy joq ekenın mälımdedı.
Ekı jüie de Maskke tiesılı SpaceX kompaniiasynyŋ menşıgınde bolǧanymen, olardyŋ qyzmetı ärtürlı. Starlink — Jerge jaqyn orbitadaǧy sputnikter arqyly, äsırese şalǧai aimaqtarda, internetke qol jetkızuge mümkındık beretın azamattyq bailanys qyzmetı. Al Starshield memlekettık qūrylymdar men äskeri maqsatta paidalanuǧa arnalǧan.
