جەڭىل سالماقتا جۇدىرىقتاساتىن قازاقستاندىق سۇلتان زاۋىربەكتىڭ (9-0, 6 كو) باپكەرى انحەل فەرناندەس بوكسشىنىڭ چەمپيوندىق تيتۋلى ءۇشىن قاشان جۇدىرىقتاساتىنىن ايتتى. بۇل تۋرالى Vesti.kz حابارلايدى.
«قازاقستاندا بولاشاعى ۇلكەن اۋەسقوي بوكسشىلار كوپ. بۇل ەل تالانتتارعا باي. ماعان قازاقستان قاتتى ۇنادى. وزىندىك اۋرا مەن اتموسفەراسى بار. قازاقستانداعى بوكس كەشىندە بولعانىمدا، بوكستى سونداي سۇيەتىندەرىن بايقادىم.
زاۋىربەك تۋرالى ايتساق، ول تاماشا فورمادا. ونىڭ جاقسى قاسيەتتەرى بار. قازىر تولىققاندى جاتتىعىپ جاتىر. كوكتەمدە دجوشۋامەن بىرگە جاتتىعۋدى جوسپارلاپ وتىرمىز. سۇلتان ءوز سالماعىندا جەتىستىكتەرگە جەتۋگە تىرىسادى. ءبىر-ەكى جىلدا چەمپيوندىق جەكپە-جەككە شىعا الامىز. ونىڭ ىلگەرلەپ كەلە جاتقانى بايقالادى جانە ول جاڭا دەڭگەيگە وتۋدە. كەلەشەكتە بيىكتەردى باعىندىراتىنىنا سەنىمدىمىن. دەگەنمەن العا كوز سالمايىق. باستىسى، ونىڭ ىنتاسى بار»، – دەيدى مامان.
