Jeńil salmaqta judyryqtasatyn qazaqstandyq Sultan Zaýyrbektiń (9-0, 6 KO) bapkeri Anhel Fernandes boksshynyń chempıondyq tıtýly úshin qashan judyryqtasatynyn aıtty. Bul týraly Vesti.kz habarlaıdy.
«Qazaqstanda bolashaǵy úlken áýesqoı boksshylar kóp. Bul el talanttarǵa baı. Maǵan Qazaqstan qatty unady. Ózindik aýra men atmosferasy bar. Qazaqstandaǵy boks keshinde bolǵanymda, boksty sondaı súıetinderin baıqadym.
Zaýyrbek týraly aıtsaq, ol tamasha formada. Onyń jaqsy qasıetteri bar. Qazir tolyqqandy jattyǵyp jatyr. Kóktemde Djoshýamen birge jattyǵýdy josparlap otyrmyz. Sultan óz salmaǵynda jetistikterge jetýge tyrysady. Bir-eki jylda chempıondyq jekpe-jekke shyǵa alamyz. Onyń ilgerlep kele jatqany baıqalady jáne ol jańa deńgeıge ótýde. Keleshekte bıikterdi baǵyndyratynyna senimdimin. Degenmen alǵa kóz salmaıyq. Bastysy, onyń yntasy bar», – deıdi maman.
