پارلامەنت ۇيىقتايتىن ورىن ەمەس. وكىنىشكە وراي، بۇگىندە بۇل ينستيتۋتتىڭ تاقياسى تار، ويى تاياز، ءسوزى كەرمەك تارتادى. ويتكەنى، وسىناۋ ديناميكاسى جوعارى، ەلدىڭ وتىرىپ-تۇرۋىن باقىلايتىن ورگاندا كولبينگە داۋىس بەرگەن ادامدار ءالى دە وتىر.
كولبيننىڭ كەلىپ كەتكەنىنە 35-جىل بولعان ەكەن. ەلىمىزدە قانشاما ۇرپاق اۋىستى، تاۋەلسىزدىكتەن كەيىنگى بىرنەشە ۇرپاقتىڭ ءوزى ەر جەتىپ، ازامات بولدى. اناۋ كىسىلەر پارلامەنتتە ءالى وتىر. ۇرپاقتار ساباقتاستىعى مۇلگىپ-قالعىپ كەتكەن ءتارىزدى.
ارينە، وسىندان كەيىن، قوعام، حالىق اراسىندا تۇسىنبەۋشىلىك، جابىرقاۋ، اشۋ تۋادى. پارلامەنت ءوز الدىنا، قوعامعا تۇسىنىكسىز زاڭدىلىقتارمەن ءومىر سۇرۋدە. نەگىزگى پروبلەما دا وسى. ساياسي مودەرنيزاتسيانىڭ بەلگىسى، ساياساتقا جاڭا بۋىندار كەلىپ-كەتىپ وتىرۋى كەرەك. بىزدە ءبىر بۋىن كەلگەن، سول بۋىن پارلامەنتتە توقتاپ قالعان... كىرگەن ءىز بار، شىققان، شىعاتىن ءىز جوق. كلەپتوكراتيا دەگەنىمىز وسى.
