يزرايلدە پارلامەنت سايلاۋى ءوتىپ جاتىر

يزرايلدە كنەسسەت سايلاۋى باستالدى. بۇل تۋرالى The Times of Israel باسىلىمى جازدى، دەپ حابارلايدى «ادىرنا» ءتىلشىسى.

داۋىس بەرۋ ۋچاسكەلەرى جەرگىلىكتى ۋاقىت بويىنشا ساعات 07:00-دە اشىلىپ، 22:00-گە دەيىن جۇمىس ىستەيدى. سايلاۋعا تىركەلگەن شامامەن 7,3 ميلليون ازامات داۋىس بەرە الادى.

120 ورىندىق پارلامەنتكە 36 پارتيانىڭ كانديداتتارى ءتۇسىپ جاتىر. كنەسسەتتەن ورىن الۋ ءۇشىن پارتيا سايلاۋشىلاردىڭ كەمىندە 3,25 پايىز داۋىسىن جيناۋى كەرەك.

يزرايل پرەزيدەنتى يتسحاك گەرتسوگ پەن ءۋلترادىني شاس پارتياسىنىڭ توراعاسى ارە دەري داۋىس بەرىپ ۇلگەرگەن.

پرەمەر-مينيستر لاۋازىمىنا نەگىزگى ۇمىتكەرلەر — قازىرگى ۇكىمەت باسشىسى، 77 جاستاعى بينيامين نەتانياحۋ مەن يزرايل قورعانىس ارمياسى باس شتابىنىڭ بۇرىنعى باستىعى، 66 جاستاعى گادي ايزەنكوت.

نەتانياحۋ وڭشىل «ليكۋد» پارتياسىنان سايلاۋعا تۇسسە، ايزەنكوت ءوزى قۇرعان تسەنتريستىك «ياشار» پارتياسىن باسقارادى.