قىتايدا كوروناۆيرۋستان كوز جۇمعاندار سانى 490-عا جەتتى جانە 24 324 ادامنان ۆيرۋس تابىلعان. سوڭعى ءبىر تاۋلىكتە ۆيرۋستان 65 ادام ولگەن، ولاردىڭ بارلىعى حۋبەي پروۆينتسياسىندا تۇرعان. جەلتوقسان ايىنان بەرى ادام ءولىمى بويىنشا وسىنشالىقتى جوعارى كورسەتكىش تىركەلمەگەن.
ميلليونداعان قىتاي ازاماتى ۇيلەرىنەن شىقپاۋعا مىندەتتەلدى جانە ولاردىڭ كوبى حۋبەي پروۆينتسياسىندا تۇرادى. كارانتين شاراسى 50 ميلليوننان استام ادامدى قامتىدى. قىتايدان تىس ەلدە 176 ادامنان ۆيرۋس تابىلعان. دارىگەرلەر ۆيرۋستىڭ ادامنان ادامعا جۇعاتىنىن راستادى.
رەسەي مەن اقش جانە وزگە بىرقاتار مەملەكەتتەر ءوز ازاماتتارىنا قىتايعا بارۋعا تىيىم سالدى جانە قىتايعا ۇشاتىن رەيستەردى توقتاتتى.
ۆيرۋس حۋبەي پروۆينتسياسىنىڭ ورتالىعى ۋحانداعى تەڭىز ونىمدەرى بازارىنان تاراعان دەپ ايتىلادى. كەيبىر اقپارات قۇرالدارىنىڭ جازۋىنشا، بازار 1 قاڭتاردا جابىلعانعا دەيىن وندا تەڭىز ونىمدەرى عانا ەمەس، جارقانات، تاۋىق، قويان مەن جىلان زاڭسىز ساۋدالانىپ كەلگەن.
"ۆيرۋستى جۇقتىرۋ وقيعالارىنىڭ 99 پايىزى - قىتايدا تىركەلگەن. قىتايدان تىس ەلدە 176 جاعداي راستالدى. جاعداي ۋشىعۋى مۇمكىن. بىراق ءبىزدىڭ ارەكەت ەتۋگە مۇمكىندىگىمىز بار" دەدى 4 اقپاندا دۇنيەجۇزىلىك دەنساۋلىق ساقتاۋ ۇيىمىنىڭ باسشىسى تەدروس گەبرەيەسۋس.
"ازاتتىق" راديوسى
