Qytaıda koronavırýstan kóz jumǵandar sany 490-ǵa jetti jáne 24 324 adamnan vırýs tabylǵan. Sońǵy bir táýlikte vırýstan 65 adam ólgen, olardyń barlyǵy Hýbeı provınııasynda turǵan. Jeltoqsan aıynan beri adam ólimi boıynsha osynshalyqty joǵary kórsetkish tirkelmegen.
Mıllıondaǵan Qytaı azamaty úılerinen shyqpaýǵa mindetteldi jáne olardyń kóbi Hýbeı provınııasynda turady. Karantın sharasy 50 mıllıonnan astam adamdy qamtydy. Qytaıdan tys elde 176 adamnan vırýs tabylǵan. Dárigerler vırýstyń adamnan adamǵa juǵatynyn rastady.
Reseı men AQSh jáne ózge birqatar memleketter óz azamattaryna Qytaıǵa barýǵa tyıym saldy jáne Qytaıǵa ushatyn reısterdi toqtatty.
Vırýs Hýbeı provınııasynyń ortalyǵy Ýhandaǵy teńiz ónimderi bazarynan taraǵan dep aıtylady. Keıbir aqparat quraldarynyń jazýynsha, bazar 1 qańtarda jabylǵanǵa deıin onda teńiz ónimderi ǵana emes, jarqanat, taýyq, qoıan men jylan zańsyz saýdalanyp kelgen.
"Vırýsty juqtyrý oqıǵalarynyń 99 paıyzy - Qytaıda tirkelgen. Qytaıdan tys elde 176 jaǵdaı rastaldy. Jaǵdaı ýshyǵýy múmkin. Biraq bizdiń áreket etýge múmkindigimiz bar" dedi 4 aqpanda Dúnıejúzilik densaýlyq saqtaý uıymynyń basshysy Tedros Gebreıesýs.
"Azattyq" radıosy
