قازاقستاننىڭ ەڭ ۇلكەن كەمشىلىگى ءار ءتۇرلى ۇلتتاردىڭ ءبىر اۋىلدا، اۋداندا شوعىرلانۋىنا جول بەرۋى. بۇل ءتىپتى تاۋەلسىز قازاقستاننىڭ دا كىناسى ەمەس، ول ماسكەۋدىڭ سۇرقيا ساياساتىنىڭ جەمىسى ەدى. جامبىل وبلىسىندا كىل دۇنگەندەر، تۇركىستاندا تەك وزبەكتەر، تاجىكتەر، ال الماتىدا تەك ۇيعىرلار تۇراتىن اۋىلدار، اۋداندار بار. جانە وزگە ۇلتتار بويىنشا دا سونداي. ونداي اۋىلداردا بىرەن-ساران قازاق قانا بار كوبىنە. ءبىز ولاردىڭ سالتىن، ءتىلىن، مادەنيەتىن ساقتاۋعا ىقپال ەتىپ كەلدىك. گازەتتەرى شىعىپ، مەكتەپتەردە ارنايى سىنىپتارى دا اشىلدى. ادامدىق پرينتسيپ بويىنشا. سوندىقتان كوپ ۇلتتار وزگە ەلدە جۇرگەندەي سەزىنبەدى وزدەرىن. ارينە، قازاقستان وسىندا تۇراتىن 18 ملن حالىقتىڭ بارلىعىنىڭ وتانى. الايدا بۇل جەردىڭ يەسى بار، ول قازاق حالقى. تيتۋلدى ۇلت - قازاق.
ءدال وسى قازاق، ياعني ءبىز كوپتەگەن ۇلتتى قيىن قىستاۋ زاماندا ءبىر ءۇزىم نانىمىزدى ءبولىپ، امان الىپ قالدىق. كوبىسى 40-جىلدارى ستاليندىك دەپورتاتسيا ساياساتىمەن قۋعىندالىپ، قازاق دالاسىنا ۇسكىرىك ايازدا ۆاگون-ۆاگونمەن اكەلىپ تاستالعان ەدى. ءبىز ولارعا باسىنا شاتىر، ۇستىنە كيىم، اۋزىنا تاماق بەردىك. وسى جاقسىلىقتى ەشبىر ۇلت ۇمىتپاۋى ءتيىس. مەملەكەت ۇمىتتىرماۋى كەرەك. ول ءۇشىن تيتۋلدى ۇلتتى قۇرمەتتەۋدى يدەولوگيا ەتىپ ءسىڭىرۋ كەرەك. تىعىز شوعىرلانعان ۇلتتاردى شاشىراتىپ ورنالاستىرۋ ساياساتىن بىرتىندەپ جۇزەگە اسىرعان دۇرىس.
بۇل ەلدە بارلىق ۇلتتىڭ قۇقىعى تەڭ. بىراق بارلىعى ءبىر ءسوزدى جادىندا ۇستاعانى ءجون. "شاڭىراققا قارا" دەگەن ءسوزدى جاتتاپ السىن!
اسحات قاسەنعالي
