Qazaqstannyŋ eŋ ülken kemşılıgı är türlı ūlttardyŋ bır auylda, audanda şoǧyrlanuyna jol beruı. Būl tıptı täuelsız Qazaqstannyŋ da kınäsı emes, ol Mäskeudıŋ sūrqiia saiasatynyŋ jemısı edı. Jambyl oblysynda kıl düngender, Türkıstanda tek özbekter, täjıkter, al Almatyda tek ūiǧyrlar tūratyn auyldar, audandar bar. Jäne özge ūlttar boiynşa da sondai. Ondai auyldarda bıren-saran qazaq qana bar köbıne. Bız olardyŋ saltyn, tılın, mädenietın saqtauǧa yqpal etıp keldık. Gazetterı şyǧyp, mektepterde arnaiy synyptary da aşyldy. Adamdyq prinsip boiynşa. Sondyqtan köp ūlttar özge elde jürgendei sezınbedı özderın. Ärine, Qazaqstan osynda tūratyn 18 mln halyqtyŋ barlyǧynyŋ otany. Alaida būl jerdıŋ iesı bar, ol Qazaq halqy. Tituldy ūlt - QAZAQ.
Däl osy qazaq, iaǧni bız köptegen ūltty qiyn qystau zamanda bır üzım nanymyzdy bölıp, aman alyp qaldyq. Köbısı 40-jyldary Stalindık deportasiia saiasatymen quǧyndalyp, Qazaq dalasyna üskırık aiazda vagon-vagonmen äkelıp tastalǧan edı. Bız olarǧa basyna şatyr, üstıne kiım, auzyna tamaq berdık. Osy jaqsylyqty eşbır ūlt ūmytpauy tiıs. Memleket ūmyttyrmauy kerek. Ol üşın tituldy ūltty qūrmetteudı ideologiia etıp sıŋıru kerek. Tyǧyz şoǧyrlanǧan ūlttardy şaşyratyp ornalastyru saiasatyn bırtındep jüzege asyrǧan dūrys.
Būl elde barlyq ūlttyŋ qūqyǧy teŋ. Bıraq barlyǧy bır sözdı jadynda ūstaǧany jön. "Şaŋyraqqa qara" degen sözdı jattap alsyn!
Ashat QASENǦALİ
