وككەيدەن قازاقستان ەرلەر قۇراماسىنىڭ باس باپكەرى اندرەي سكابەلكا ءوزىنىڭ كومانداسى وليمپيادالىق ىرىكتەۋ ءتۋرنيرىنىڭ اقتىق كەزەڭىنە شىعا الماسا دا، ۇلتتىق قۇرامانى تىزگىنىن ۇستاۋدى جالعاستىرادى. بۇل تۋرالى Prosports.kz حابارلايدى.
بۇل تۋرالى قازاقستان حوككەي فەدەراتسياسىنىڭ باس ديرەكتورى گلەب كاراتاەۆ مالىمدەدى.
- ءتۋرنيردى ۇيىمداستىرۋ كوميتەتى وتە جاقسى دايىندادى. كوپتەگەن ادامدار قاتىستى. وكىنىشكە وراي، جارىستا قازاقستان قۇراماسىنىڭ جولى بولمادى.
اندرەي ۆلاديميروۆيچ سكابەلكا كەم دەگەندە الەم چەمپيوناتىنا دەيىن جۇمىسىن جالعاستىرادى. ول وتە بىلىكتى مامان، مىقتى جاتتىقتىرۋشىلار قۇرامى بار. ارينە، تۋرنير ءساتسىز ءبىز ءۇشىن ءساتسىز اياقتالدى. دەگەنمەن العا جىلجۋىمىز كەرەك. الدا الەم چەمپيوناتى كۇتىپ تۇر، وندا بارىنشا جاقسى ناتيجە كورسەتۋ كەرەك.
نورماليزاتسيا ءۇردىسى بار. بىراق ەگەر باس قۇراما «بارىس» كومانداسىنان ناشار ويناسا، بۇل جاقسى ەمەس. بالالاردى العا ۇمتىلدىرۋ كەرەك. باسەكەلەستىك جوعارى بولسا عانا قازاقستان چەمپيوناتى مەن جاستار ليگاسى داميدى، سودان كەيىن جەكە باپكەرلەر مەن ويىنشىلار تۋرالى ويلانا الامىز. وكىنىشكە وراي، قازىر جاعداي وسىلاي»، - دەدى گلەب كاراتاەۆ.
