اقش-تىڭ قورعانىس ۆەدومستۆوسى يران قارۋلى كۇشتەرىنىڭ يراكتاعى امەريكانىڭ اسكەري بازاسىنا سوققى جاساعاننان زارداپ شەككەندەر سانىن جاريالادى.
8 قاڭتارعا قاراعان ءتۇنى يراننىڭ زىمىران سوققىسىنان امەريكالىق 109 اسكەر باس سۇيەك-مي جاراقاتىن العان. بۇل تۋرالى 10 اقپاندا پەنتاگون ءباسپاسوز قىزمەتى حابارلادى. اقش-تىڭ 109 اسكەري قىزمەتكەرىنە باس سۇيەك-مي جاراقاتىن العانى ءۇشىن ەمدەلدى. ولاردىڭ ىشىندە 76 ادام قازىر قىزمەتىنە ورالدى، - دەپ حابارلادى ۆەدومستۆودا. زارداپ شەككەن 27 ادام گەرمانياعا ەم قابىلداۋ ءۇشىن جىبەرىلگەن، كەيىن ولاردىڭ ىشىنەن 21 ادام اقش-قا كەتكەن. ال بىرەۋى يراكقا قايتىپ، قىزمەتتىك مىندەتتەمەلەرىنە كىرىسكەن. ايتا كەتسەك، 8 قاڭتار كۇنى يران يراكتاعى ەكى اسكەري بازاعا زىمىرانمەن شابۋىل جاسادى. وندا اقش اسكەريلەرى بولعان. بۇل سوققى 3 قاڭتاردا باعدادتا يران گەنەرالى كاسەم سۋلەيمانيدىڭ ولىمىنە كەك الۋ ءۇشىن جاسالعان.ۇقساس جاڭالىقتار
