AQSh-tyń qorǵanys vedomstvosy Iran qarýly kúshteriniń Iraktaǵy Amerıkanyń áskerı bazasyna soqqy jasaǵannan zardap shekkender sanyn jarııalady.
8 qańtarǵa qaraǵan túni Irannyń zymyran soqqysynan amerıkalyq 109 ásker bas súıek-mı jaraqatyn alǵan. Bul týraly 10 aqpanda Pentagon baspasóz qyzmeti habarlady.
AQSh-tyń 109 áskerı qyzmetkerine bas súıek-mı jaraqatyn alǵany úshin emdeldi. Olardyń ishinde 76 adam qazir qyzmetine oraldy, - dep habarlady vedomstvoda.
Zardap shekken 27 adam Germanııaǵa em qabyldaý úshin jiberilgen, keıin olardyń ishinen 21 adam AQSh-qa ketken. Al bireýi Irakqa qaıtyp, qyzmettik mindettemelerine kirisken.
Aıta ketsek, 8 qańtar kúni Iran Iraktaǵy eki áskerı bazaǵa zymyranmen shabýyl jasady. Onda AQSh áskerıleri bolǵan. Bul soqqy 3 qańtarda Baǵdadta ıran generaly Kasem Sýleımanıdiń ólimine kek alý úshin jasalǵan.
