وقىرمانعا جامبىل وبلىسى، قورداي اۋدانىندا نە بولعانىن بايانداپ جاتۋ ارتىق بولار. ەلدىڭ كوزى بار، قۇلاعى بار. دۇنگەندەر مەن قازاقتاردىڭ اراسىندا جىلت ەتكەن ارازدىقتىڭ ۇشقىنى ءاپ – ساتتە نامىستىڭ الاۋىنا اينالعانىن حالىق ءبىلىپ وتىر.
اكەلەرىن اۋرۋحاناعا الىپ بارا جاتقان جىگىتتەردىڭ كولىگىنىڭ الدىن باسقا ءبىر كولىك تەجەيدى. سودان، جاڭاعى جىگىتتەر الدىنداعى كولىككە «بىلاي تۇرساڭشى! ءوتىپ كەتەيىك!» قاتقىل ايتقان بولار. اۋرۋحانا اسىعىپ بارا جاتقان ادام كولىكتەن ءتۇسىپ، بارىپ اماندىق – ساۋلىق سۇراسىپ، قال – جاي ءبىلىپ، «بىلاي تۇراسىزدار ما؟ رۇقسات ەتسەڭىزدەر، ءوتىپ كەتەيىك دەپ ەدىك!»سىزىلىپ تۇرمايدى عوي ەندى. «جاقسى! وتە عوي!» دەۋدىڭ ورىنىنا جولدى كەسكەستەگەن كولىكتىڭ ىشىنەن بالەنباي جىگىت شىعىپ، ءاي – ءشاي جوق، ارتىنداعى كولىكتىڭ جۇرگىزۋشىسىنە اكىرەڭدەي جونەلىپتى. وسى ادامدىق پا؟ اكەسىنىڭ جەرىندە جۇرگەندەي اكىرەڭدەگەندۇنگەندەر ەكەن. بەتتەرىنە قاراتىپ دۇنگەندى دۇركىرەتىپ قويا ما، قازاقتاردىڭ ازۋى دا قاقپانداي قارس ەتە قالعان. سودان توبەلەس باستالعان. دۇنگەندەر كوپ ەكەن، ەكى جىگىتتى اكەسىمەن قوسا ساباپتى. سابىر اداي ايتقانداي، «جالعىز ءتۇپ جۋسان تۇبىندە، قازاققا ورتاق نامىس بار» ەمەس پە؟ دۇنگەندەر قازاقتاردى ساباپتى، قارياعا قول كوتەرىپتى دەگەندى ەستىگەن سول اينالاداعى باسقا قازاقتار قوردايدى باسىنا كوتەرگەن. – دۇنگەننىڭ وسى باسىنعانى، وسى قورلىعى جەتتى! – دەپتى. سوعان قاراعاندا، قازاقتىڭ باياعىدان كەتكەن ەسەسى بولىپ تۇر. ءارى قارايعى وقيعا قالاي وربىگەنى بەلگىلى. 36 تۇرعىن ءۇي، 11 كوممەرتسيالىق نىسان جانە 44 اۆتوكولىك وتقا وراندى. ءدۇنيانى قويشى، ەڭ وكىنىشتىسى 10 ادام ءولدى.
جامبىل وبلىسىنىڭ قورداي اۋدانىندا ورىن العان قاقتىعىسقا بايلانىستى مەملەكەت باسشىسى قاسىم – جومارت توقاەۆ لەزدە ءۇن قاتتى.
- مەملەكەتتىك ورگاندار قىزمەتكەرلەرىنىڭ سالعىرتتىعى سالدارىنان ارانداتۋشىلار قانتوگىس جاسادى. ولار جازالانادى. مەملەكەت زارداپ شەككەندەرگە قولداۋ كورسەتەدى. بەيبىتشىلىك پەن كەلىسىم — ءبىزدىڭ باستى بايلىعىمىز، ونى بۇزۋعا ەشكىمنىڭ قۇقىعى جوق! – دەپ جازدى پرەزيدەنت تwitter – دەگى پاراقشاسىندا.
- قورداي اۋدانىنداعى ەڭ ۇلكەن اۋىلدار – ماسانچي مەن سورتوبە. ماسانچي اۋىلىندا 18 مىڭ دۇنگەن، سورتوبە اۋىلىندا 24 مىڭ دۇنگەن تۇرادى ەكەن. بۇل ەكى اۋىلدا جەرگىلىكتى قازاقتاردىڭ ۇلەسى – 10 پايىز عانا. دۇنگەندەر وتە باي تۇرادى. قازاقشا سويلەمەيدى. مۇعالىمدەرگە «بىزگە قازاق ءتىلىنىڭ كەرەگى جوق. ماتەماتيكا مەن دۇنگەن ءتىلىن وقىسا جارايدى!» دەيتىن كورىنەدى.
باۋىرجان شيرمەدينۇلى،
باتىس قازاقستان وبلىسى
سىرىم اۋدانى