مىسىردىڭ دەنساۋلىق ساقتاۋ مينيسترلىگى كوروناۆيرۋستىڭ جاڭا ءتۇرىن جۇقتىرۋدىڭ العاشقى وقيعاسىن راستادى،-دەپ حابارلايدى بي-بي-سي.
بۇگىنگى مىسىر - افريكانىڭ سولتۇستىك-شىعىسىندا ورنالاسقان ءىرى اراب ەلى. ۆيرۋس جۇما كۇنى افريكا اۋماعىندا تىركەلگەن.
دەرتتى جۇقتىرعان ادام مىسىرلىق ەمەس. ونىڭ ازاماتتىعى تۋرالى اقپارات كەلتىرىلمەيدى. قازىرگى ۋاقىتتا ناۋقاس اۋرۋحانادا ەم الۋدا.
دۇنيەجۇزىلىك دەنساۋلىق ساقتاۋ ۇيىمىنىڭ (ددۇ) قازىر مىسىردا قاجەتتى الدىن الۋ شارالارى قولعا الىندى.
جاڭا كوروناۆيرۋس 2019 جىلى جەلتوقساندا ۋحان قالاسىنىڭ حۋبەي پروۆينتسياسىنىڭ اكىمشىلىك ورتالىعىنان تارالا باستادى. ۋحان قالاسىندا ۆيرۋستى العاشقى جۇقتىرعانداردىڭ كوتەرمە بازارعا بارىپ، سول جەردە جۇمىس ىستەگەنى بەلگىلى. بازاردا تەڭىز ونىمدەرىن، سونداي - اق جانۋارلار-جىلاندار، قۇستار، ۇشاتىن تىشقاندار ساتىلدى. پنەۆمونيا تۇتانعاننان كەيىن ونى كارانتينگە جاۋىپ تاستادى.
قحر دەنساۋلىق ساقتاۋ مەملەكەتتىك كوميتەتىنىڭ سوڭعى مالىمەتتەرى بويىنشا، قىتايدا covid-19 كوروناۆيرۋسىنان تۋىندايتىن پنەۆمونيامەن اۋىرعاندار سانى 63 851 ادامدى قۇرادى، ءولىم كورسەتكىشى 1038 وقيعادا تىركەلدى.
