قازاقستاندىق فايتەر سەرگەي موروزوۆ (16-4-0) الەمدەگى ەڭ تانىمال UFC (Ultimate Fighting Championship) پروموۋشنىمەن كەلىسىمشارتقا وتىردى. بۇل تۋرالى Vesti.kz حابارلايدى.
بۇل جايىندا "سپورت-ەكسپرەسسكە" بەرگەن سۇحباتىندا قازاقستاندىق فايتەر، جاقىندا UFC-مەن كەلىسىمشارت جاساسقان جالعاس جۇماعۇلوۆ ايتتى.
"دوسىم ءارى كلۋبتاسىم سەرگەي موروزوۆ بار. UFC-مەن كەلىسىمشارت جاساسىپ قويدى دەۋگە دە بولادى. ەكەۋىمىزدىڭ دەبيۋتىمىز ءبىر كۇندە بولاتىن شىعار", - دەدى جۇماعۇلوۆ.
موروزوۆ - جەڭىل سالماقتا M1 Challenge چەمپيونى. سوڭعى جەكپە-جەگىن 19 قازاندا نۇر-سۇلتاندا وتكىزگەن. M-1 Challenge105 ءتۋرنيرىنىڭ باستى جەكپە-جەگىندە امەريكالىق دجوش رەتتينگحاۋستان رەۆناش الىپ، تيتۋلىن قورعاپ قالعان ەدى.
وسىلايشا، سەرگەي موروزوۆ UFC-دەگى ءۇشىنشى قازاقستاندىق اتانباق. بۇعان دەيىن پروموۋشنمەن جالعاس جۇماعۇلوۆ جانە شاۆكات راحمونوۆ كەلىسىمشارت جاساسقان بولاتىن.