كۇرشەۆەلدەن كەلگەن ەكى جاسار الماتىلىق قىز كوروناۆيرۋستى جۇقتىرعان. بۇل تۋرالى الماتى قالاسى قوعامدىق دەنساۋلىق باسقارماسىنىڭ باسشىسى تىلەۋحان ابىلداەۆ حابارلادى.
"2018 جىلى تۋعان ناۋقاس كۋرشەۆەل-بەرلين-الماتى چارتەرلىك رەيسپەن ۇشىپ كەلدى. چارتەرلىك رەيستىڭ بارلىق قۇرامى كارانتينگە جاتقىزىلدى", - دەدى ول.
بۇرىن حابارلانعانداي، بۇعان دەيىن 2018 جىلى تۋىلعان قىز بالادان دا ۆيرۋس تابىلعان بولاتىن. ول 13 ناۋرىزدا بەرلين - مينسك - الماتى رەيسىمەن ۇشىپ كەلگەن. قازىر ول الماتى قالالىق بالالار جۇقپالى اۋرۋلار اۋرۋحاناسىنا ورنالاستىرىلدى.
قازاقستاندا كوروناۆيرۋستىڭ تارالۋىنا بايلانىستى پرەزيدەنت ءبىر ايعا توتەنشە جاعداي رەجيمىن ەنگىزدى.
باسقا ماتەريالدار
Adyrna.kz ۇلتتىق پورتالىنىڭ ماڭىزدى اقپاراتتارىنا جازىلۋ
سوڭعى جاڭالىقتار تۋرالى حاباردار بولىڭىز