پاتشا قۇدايدىڭ جەردەگى كولەڭكەسى دەيتىن مونارحيالىق تاۋبەشىل-شۇكىرشىل-نۇرشىل -ءدىنشىل-فاناتيكتەر ەلىمىزدەگى ساياسي-ەكونوميكالىق داعدارىستىڭ كەزىندە ساياسي ۇپاي جيناۋ ءۇشىن ميسسيونەرلىك قىزمەتكە قۇلشىنا كىرىسىپ كەتتى.
الەمدە قىتاي ۆيرۋسى اسقىنىپ تۇرعاندا، كەزىندە كگب مەن يرانعا قىزمەت قىلعان، اۋعانستانداعى تاجىك كومانديرى احماد شاح ماسۋدتىڭ ساياسي كەڭەسشىسى
https://www.rbc.ru/politics/18/03/2002/5703b4b19a7947783a5a3c41?utm_source=amp_full-link
بولعان يسماتۋللا ابدىعاپپاردىڭ 14 -جىلعا سوتتالىپ، شارتتى تۇردە 9-جىلدان كەيىن جاقىندا عانا بوساپ شىققانىن بىلەمىز. ارادا كوپ ۋاقىت وتپەي يسماتۋللانىڭ رەسەي پرەزيدەنتى ۆ.پۋتين، تۇركيا پرەزيدەنتى ر.ەردوعان جانە قر پرەزيدەنتى ق.توقاەۆقا اشىق ۇندەۋ جاساپ، حالىقتىڭ كوپتەپ جينالاتىن مەشىتتەر مەن مەدرەسەلەردى اشىڭىز، جاماعات بولىپ زىكىر سالايىق، ال وعان رۇقسات بەرمەسەڭىز مەنى اتتىرىپ تاستاڭىز دەگەنى ەندى شانتاج- ۋلتيماتۋم ياكي ابدەن شەكتەن شىققاندىق بولىپ تابىلادى.
بۇل قىتاي ۆيرۋسى، ءزىلزالا، توپان سۋ، ۆۋلكان ت.ب سياقتى تابيعي اپات ەمەس، قىتاي قىزىل بيلىگىنىڭ قولدان جاساعان بيولوگيالىق-باكتەريالوگيالىق قارۋى.. ونىڭ دىنگە، ياعني زىكىر مەن ءدىني راسىمدەرگە ەش قاتىسى جوق. كوللەكتيۆتى ءدىني راسىمدەرگە (5 ۋاقىت ناماز، جۇما نامازى) وزدەرىنە قولايسىز جانە اۋىر تيسە دە مەشىت يمامدارى مەن مولدالارى تيىم سالدى.
ال يسماتۋللا مەملەكەتىمىزدە كارانتين بولعانىنا قاراماستان مەشىتتەر مەن مەدرەسەلەردى اش، زىكىر سالامىز دەپ قوقان-لوقى جاسايدى. بۇنداي توتەنشە جاعدايدا حالقىمىزدى تەك ۇيدە وقشاۋلانۋ مەن اق حالاتتى جانداردىڭ ينسترۋكتسياسى عانا قۇتقارادى. ناقتىراق ايتساق جاراتۋشىنىڭ ادامزاتقا بەرگەن ەڭ ۇلكەن سىيى اقىل-وي مەن ەلشىلەر ارقىلى كەلگەن كىتاپتارى دا وسىنى تالاپ ەتەدى. وسىندايدا بيلىك پەن قۇزىرلى ورگاندار ازاماتتىق پوزيتسياسى ايقىن، ەلدە وزگەرىستەردى اڭساپ جۇرگەن قوعامدىق بەلسەندىلەردى قۋدالاعانشا، توتەنشە جاعداي كەزىندە ەلدى توپ بولىپ زىكىر سالۋعا ۇندەگەن وسىنداي سانالارى ورتاعاسىرلىق دوگماعا تۇمشالانعان دىندارلارعا نەگە تيىم سالمايدى؟؟؟
اۆتوردىڭ پىكىرى رەداكتسيانىڭ كوزقاراسىن بىلدىرمەيدى.
تۇراربەك قۇسايىنوۆ،
"دەموس" قب توراعاسى
رەداكتسيادان: ەلىمىزدە ەكسترەميستىك دەپ تيىم سالىنعان "بىلىم،سەنىم،ءومىر" قوعامدىق بىرلەستىگىنىڭ كوسەمى يسماتۋللا ابدىعاپپار تۋرالى تۇراربەك قۇسايىنوۆتىڭ "شىرماۋىق-لابيرينت" اتتى ساراپتامالىق كىتابىنان ءۇزىندى:
https://adyrna.kz/post/20857
