قازاقستاندا كولىكتى باقىلاۋ پوستتارىنىڭ جاڭا جۇيەسى ەنگىزىلەدى

2567
Adyrna.kz Telegram

 2020 جىلدىڭ 1 ماۋسىمىنان باستاپ كولىكتى باقىلاۋ پوستتارىنىڭ جاڭا جۇيەسى  قولدانىسقا ەنگىزىلەدى،- دەپ حابارلايدى "ادىرنا" ۇلتتىق پورتالىنىڭ ءتىلشىسى.

​قر يندۋستريا جانە ينفراقۇرىلىمدىق دامۋ مينيسترلىگى 2020 جىلعى 19 ناۋرىزداعى بۇيرىعىمەن قازاقستان رەسپۋبليكاسىنىڭ اۋماعىنداعى كولىكتىك باقىلاۋ پوستتارىنىڭ جۇمىسىن ۇيىمداستىرۋ ەرەجەسىنە وزگەرىستەر ەنگىزدى.
​ اتاپ ايتقاندا، ەرەجەگە مىناداي وزگەرىستەر ەنگىزىلدى: اۆتوموبيل كولىگى سالاسىندا مەملەكەتتىك باقىلاۋدى جۇزەگە اسىرۋ كەزىندە كولىكتىك باقىلاۋ بەكەتىنىڭ قىزمەتكەرلەرى نىساندى كيىمدە (پوگونسىز) بولۋعا، نومىرلىك كەۋدە بەلگىلەرى مەن قىزمەتتىك كۋالىكتەرى نەمەسە سايكەستەندىرۋ كارتالارى بولۋعا ءتيىس.
​سونىمەن قاتار، ولار تەز ارادا كولىك قۇرالىنا جاقىنداپ، كولىك قۇرالىنىڭ توقتاۋ سەبەپتەرىن تۇسىندىرۋگە جانە جۇرگىزۋشىنىڭ تالابى بويىنشا تانىسۋ جانە تەگى مەن لاۋازىمىن انىقتاۋ ءۇشىن قىزمەتتىك كۋالىكتى نە ونى جۇرگىزۋشىگە بەرمەي سايكەستەندىرۋ كارتاسىن كورسەتۋگە ءتيىس.
​بۇيرىق 2020 جىلى  1 ماۋسىمنان باستاپ كۇشىنە ەنەدى.

جاسۇلان ءناۋرىزالى،

"ادىرنا" ۇلتتىق پورتالى

پىكىرلەر