شىمكەنتتە مەديتسينالىق ماسكانى زاڭسىز ساتقاندار انىقتالدى

شىمكەنتتە توتەنشە جاعداي كەزىندە مەديتسينالىق تاۋارلاردى (بەتپەردە، انتيسەپتيك، قولعاپ) زاڭسىز، رۇقسات قۇجاتسىز ساتقاندارعا شارا قولدانىلۋدا. شىمكەنت قالاسى بويىنشا مەملەكەتتىك كىرىستەر دەپارتامەنتى شىمكەنت قالالىق ەكونوميكالىق تەرگەۋ دەپارتامەنتىمەن بىرلەسىپ، 8 زاڭسىز مەديتسينالىق تاۋارلاردى ساتۋ فاكتىسىن انىقتادى. ناقتى ايتساق، 32 مىڭ دانا بەتپەردە، 1 730 ليتر انتيسەپتيكالىق زاتتار جالپى سوماسى 8 ملن. 225 مىڭ تەڭگەگە جانە 20 مىڭ دانا مەديتسينالىق قولعاپتار جالپى سوماسى 740 مىڭ تەڭگەگە ساۋدالانعان. اتالعان دەرەكتەر بويىنشا، قر اقبك 463 بابىنا سايكەس، 6 اكىمشىلىك حاتتاما تولتىرلىپ، سوت ورگاندارىندا قارالۋدا. 1 ءىس-قۇجات قر اقبك 424 بابىنىڭ 1 تارماعىنا سايكەس اكىمشىلىك جاۋاپكەرشىلىك كورۋ ءۇشىن، شىمكەنت قالاسى تاۋارلار مەن كورسەتىلتىن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتىنە جولدانعان. بۇدان باسقا، 1 ءىس-قۇجات بويىنشا اكىمشىلىك جاۋاپكەرشىلىك قارالۋدا.

شىمكەنت قالاسىنىڭ توتەنشە جاعداي جونىندەگى شتابى