Nur Otan كوميسسياسى كوروناۆيرۋس ينفەكتسياسىن جۇقتىرعان قىزمەتكەر تولقىناي ورداباەۆا جۇمىس ىستەيتىن جامبىل وبلىسىنداعى اۋداندىق اۋرۋحانادا زاڭبۇزۋشىلىق بارىن انىقتادى، - دەپ حابارلايدى Tengrinews.kz پارتيانىڭ ءباسپاسوز قىزمەتىنە سىلتەمە جاساپ.
الەۋمەتتىك جەلىدە جاريالانعان ۇندەۋدەن كەيىن كەلەسى اقپارات انىقتالدى. ينفەكتسيونيست-دارىگەر تولقىناي ورداباەۆا جەكە پاراقشاسىندا جامبىل وبلىسى مەركە اۋدانىنداعى اۋرۋحانادا باسشىلىق تاراپىنان زاڭبۇزۋشىلىق بولعانىن جازعان.
ەسكە سالايىق، كەشە مەركەدەگى ورتالىق اۋداندىق اۋرۋحانادا ينفەكتسيونيست بولىپ جۇمىس ىستەپ جۇرگەن تولقىناي ورداباەۆا اۋرۋحاناداعى جاعدايدى Facebook جەلىسىندەگى پاراقشاسىندا جازعان. ورداباەۆانىڭ ايتۋىنشا، ول ۆيرۋستى كارانتيندە ناۋقاستاردى ەمدەپ جۇرگەندە جۇقتىرعان. دارىگەردىڭ ايتۋىنشا، ولارعا ماسكا دا بەرىلمەگەن. ماسكانى وزدەرىنە تىگۋگە تۋرا كەلگەن.
"ناۋقاستارمەن بايلانىستا بولعانداردى 14-ءشى كۇنى تەكسەرۋ مۇمكىن بولمادى، سەبەبى جامبىل وبلىسىندا ونى تەكسەرەتىن قۇرال جوق. سوندىتان ولاردى كوروناۆيرۋسقا سوڭعى باقىلاۋ ساراپتاماسىنان وتكىزە الماي، اۋرۋحانادان شىعارۋعا تۋرا كەلدى", - دەيدى دارىگەر.
قازىرگى ۋاقىتتا ول ۆيرۋسقا قارسى "الۋۆيا" پرەپاراتىن قابىلداپ جاتىر ەكەن.
سونداي-اق، دارىگەردىڭ ايتۋىنشا، جامبىل وبلىسىنىڭ دەنساۋلىق ساقتاۋ باسقارماسى دارىگەرلەردىڭ كوروناۆيرۋس جۇقتىرعانىن جاسىرىپ وتىر.
"جامبىل وبلىسى دەنساۋلىق ساقتاۋ باسقارماسىنىڭ ماسكاعا،ۆيرۋسقا قارسى ءدارى-دارمەكە، ساراپتامالارعا بولگەن اقشاسى قايدا؟ نەگە كوروناۆيرۋسقا ساراپتاما جاسالماي جاتىر؟ جۇمىس ورنىندا نەگە ەپيدەميولوگيالىق تەرگەۋ جۇرگىزىلمەيدى؟", - دەيدى دارىگەر.
مينيستر ەلجان ءبىرتانوۆ بۇل شاعىمعا پىكىر ءبىلدىردى. ول تاۋارلار قاۋىپسىزدىگى مەن ساپا باقىلاۋ كوميتەتىنىڭ باسشىسى ليۋدميلا بيۋرابەكوۆاعا وسى ماسەلەنى شەشۋدى تاپسىردى. ءبىرتانوۆ بۇل جاعدايدى جەكە باقىلاۋعا العانىن ايتىپ ءوتتى.
