تورتكۇل دۇنيەگە تانىمال شىعىس عۇلاماسى ءابۋ ناسىر ءال- ءفارابيدىڭ 1150 جىلدىعىنا ارنالعان "فارابي ىزباسارلارى" (ونلاين)اپتالىعى ءوز مارەسىنە جەتتى. 16 – ناۋرىز بەن 21-ناۋرىز ارالىعىندا (2020ج.) ءال-فارابي اتىنداعى قازاق ۇلتتىق ۋنيۆەرسيتەتى ءباسپاسوز جانە ەلەكەتروندى باق كافەدراسى مەن پروفەسسور بارمانقۇلوۆ اتىنداعى «تەلەزەرتحانا» عىلىمي ۇيىرمەسىنىڭ ۇيىمداستىرۋىمەن وتكەن اپتالىق اياسىندا جۋرناليستيكا فاكۋلتەتىنىڭ ستۋدەنتتەرى مەن جۋرناليستيكا ماماندىعىن تاڭداعان تالاپكەرلەر كۇن سايىن تىكەلەي ەفيرگە شىعىپ، اريستوتەلدەن كەيىنگى "ەكىنشى ۇستاز" اتانعان عۇلامانىڭ تۇجىرىمدارىن تىلگە تيەك ەتىپ، زاماناۋي كوزقاراسپەن ۇشتاستىرىپ، كوپشىلىكپەن وي ءبولىستى. اپتالىقتىڭ اياسىندا دەنساۋلىق، ءبىلىم، ونەر، شىعارماشىلىق، قايىرىمدىلىق، ادەپ تاقىرىپتارى قامتىلدى. تالاپكەرلەر «ءال-فارابي» جانە بۇگىنگى ۇرپاق» دەگەن تاقىرىپتا شىعارما جازىپ، كەمەڭگەردىڭ كەمەل پايىمدارىنان تۇيگەن ويلارىن ورتاعا سالدى.
ابدىجادىلقىزى جيدەگۇل
ءال-فارابي اتىنداعى قازاق ۇلتتىق ۋنيۆەرسيتەتى
باسپاسوز جانە ەلەكەتروندى باق كافەدراسى
