اقمولا وبلىسىنىڭ اكىمى وبلىس حالقىنا ۇندەۋ جاسادى، - دەپ حابارلايدى "ادىرنا" ۇلتتىق پورتالىنىڭ ءتىلشىسى. ەرمەك مىرجىقپاەۆ ۇندەۋىندە وبلىس حالقىن تىنىشتىق ساقتاۋعا شاقىردى.
قۇرمەتتى اقمولالىقتار!
وزدەرىڭىز بىلەسىزدەر، كەشە 7 ءساۋىر كۇنى وبلىسىمىزدىڭ اۋماعىندا كۇشتى داۋىل بولدى. سەكۋندىنا وتىز مەترگە دەيىن جەتەتىن قاتتى جەلدىڭ اسەرىنەن وبلىس ورتالىعىندا جانە وبلىستىڭ بىرقاتار اۋداندارىندا ەلەكترمەن قامتاماسىز ەتۋ ءۇزىلدى. تۇرعىن ۇيلەردىڭ، الەۋمەتتىك وبەكتىلەردىڭ شاتىرلارى زاقىمداندى.
شامامەن 30 ادام ءتۇرلى اۋىرتپالىق دارەجەسىندە جاراقات الدى. وكىنىشكە وراي، بۋراباي اۋدانىندا ءبىر ادام قايتىس بولدى. قايتىس بولعان ادامنىڭ تۋىستارى مەن جاقىندارىنا قايعىلارىڭىزعا ورتاقتاسىپ كوڭىل ايتامىن.
قازىر بارلىق كوممۋنالدىق كۇشتەر مەن تج قىزمەتتەرى وڭىردەگى تابيعي ستيحيا سالدارىن جويۋعا جۇمىلدىرىلدى.
قۇرمەتتى جەرلەستەر! بارلىقتارىڭىزدى تىنىشتىق ساقتاۋعا شاقىرامىن.
زالالدىڭ شىعىنى ەسەپتەلۋدە. بارلىق وبەكتىلەر قالپىنا كەلتىرىلەتىن بولادى. زارداپ شەككەندەرگە قاجەتتى كومەك كورسەتىلەدى.
ورىن العان جاعدايدا تىنىشتىق ساقتاۋ قاجەت، ۇرەيگە بەرىلۋگە بولمايدى جانە ازاماتتىق جاۋاپكەرشىلىك تانىتۋ كەرەك. وسىلايشا ءبىز بىرلەسىپ بارلىق قيىندىقتاردى وتكەرە الامىز.
"ادىرنا" ۇلتتىق پورتالى
