Aqmola oblysynyŋ äkımı oblys halqyna ündeu jasady, - dep habarlaidy "Adyrna" ūlttyq portalynyŋ tılşısı. Ermek Myrjyqpaev ündeuınde oblys halqyn tynyştyq saqtauǧa şaqyrdy.
Qūrmettı aqmolalyqtar!
Özderıŋız bılesızder, keşe 7 säuır künı oblysymyzdyŋ aumaǧynda küştı dauyl boldy. Sekundyna otyz metrge deiın jetetın qatty jeldıŋ äserınen oblys ortalyǧynda jäne oblystyŋ bırqatar audandarynda elektrmen qamtamasyz etu üzıldı. Tūrǧyn üilerdıŋ, äleumettık obektılerdıŋ şatyrlary zaqymdandy. Şamamen 30 adam türlı auyrtpalyq därejesınde jaraqat aldy. Ökınışke orai, Burabai audanynda bır adam qaitys boldy. Qaitys bolǧan adamnyŋ tuystary men jaqyndaryna qaiǧylaryŋyzǧa ortaqtasyp köŋıl aitamyn. Qazır barlyq kommunaldyq küşter men TJ qyzmetterı öŋırdegı tabiǧi stihiia saldaryn joiuǧa jūmyldyryldy. Qūrmettı jerlester! Barlyqtaryŋyzdy tynyştyq saqtauǧa şaqyramyn. Zalaldyŋ şyǧyny eseptelude. Barlyq obektıler qalpyna keltırıletın bolady. Zardap şekkenderge qajettı kömek körsetıledı. Oryn alǧan jaǧdaida tynyştyq saqtau qajet, üreige berıluge bolmaidy jäne azamattyq jauapkerşılık tanytu kerek. Osylaişa bız bırlesıp barlyq qiyndyqtardy ötkere alamyz."Adyrna" ūlttyq portaly
