«تاماشا كەلىسىم»: ترامپ پۋتينگە جانە ساۋد ارابياسىنىڭ پاتشاسىنا العىسىن ءبىلدىردى

اقش پرەزيدەنتى دونالد ترامپ وپەك + -ءتى مۇناي ءوندىرىسىن ازايتۋ ءۇشىن ۇلكەن ءىس اتقاردى دەپ، جانە رەسەي پرەزيدەنتى ۆلاديمير پۋتينگە جانە ساۋد ارابياسىنىڭ كورولى سالمان بەن ابدەل ازيز ال ساۋدقا العىسىن ءبىلدىردى، - دەپ حابارلايدى "ادىرنا" Tengrinews.kz كە سىلتەمە جاساپ. «وپەك + -پەن ۇلكەن مۇناي كەلىسىمى جاسالدى. بۇل اقش-تاعى ەنەرگەتيكالىق سەكتورداعى جۇزدەگەن مىڭ جۇمىس ورىندارىن ۇنەمدەۋگە مۇمكىندىك بەرەدى. مەن رەسەي پرەزيدەنتى ۆلاديمير پۋتينگە جانە ساۋد ارابياسىنىڭ كورولى سالمانعا العىس ايتامىن جانە قۇتتىقتايمىن. مەن ولارمەن  كابينەتىمنەن سويلەستىم!» - دەپ ترامپ ءوزىنىڭ تۆيتتەرىندە جازدى. كرەملدىڭ ءباسپاسوز قىزمەتىنىڭ حابارلاۋىنشا، پۋتين، ترامپ جانە سالمان بەن ابدەل ازيز ال ساۋد تەلەفون ارقىلى سويلەسىپ، مۇناي ءوندىرىسىن كەزەڭ-كەزەڭىمەن قىسقارتۋ تۋرالى وپەك + كەلىسىمىن قولدادى. پۋتين ترامپپەن دە جەكە اڭگىمە وتكىزدى. وپەك + كەلىسىمىنەن باسقا، ولار ستراتەگيالىق قاۋىپسىزدىكتى قامتاماسىز ەتۋدىڭ وزەكتى ماسەلەلەرىن تالقىلادى. ەسكە سالا كەتەيىك، بۇعان دەيىن وپەك + ەلدەرى 12 ساۋىردە وتكەن بەينەكونفەرەنتسيا نەگىزىندە مۇناي ءوندىرىسىن تاۋلىگىنە 9,7 ملن ​​باررەلگە قىسقارتۋعا كەلىسكەنى تۋرالى حابارلانعان بولاتىن. قازاقستان كەلىسىم بويىنشا كونسەنسۋستى قولدادى