شىمكەنت: كوشەلەر دەزينفەكتسيالاندى

ەڭبەكشى اۋدانىندا توتەنشە جاعدايعا بايلانىستى كوپقاباتتى 321 تۇرعىن ءۇيدىڭ 301-ىنە زالالسىزداندىرۋ جۇمىستارى جۇرگىزىلدى. كوپقاباتتى ۇيلەردەگى 715 ءدالىز بەن 55 كوشە تولىق دەزينفەكتسيالاندى. بۇل باعىتتاعى جۇمىستار جالعاسۋدا. كومەككە مۇقتاج ازاماتتارعا كارانتين كەزىندە جان-جاقتى قولداۋ كورسەتىلىپ، اتاۋلى الەۋمەتتىك كومەك الاتىن 2358 وتباسىنىڭ 1528-ىنە   «Magnum» ساۋدا جۇيەسى ارقىلى الەۋمەتتىك ازىق-تۇلىك پاكەت بەرىلىپ، 2472 وتباسىعا 11360 دانا تەگىن بەتپەردە تاراتىلدى. ن.تورەقۇلوۆ كوشەسىندە ۆيرۋس انىقتالعان كوپقاباتتى ۇيدە دەزينفەكتسيا جۇرگىزىلىپ، وقشاۋلاندى. ونداعى تۇرعىندارعا قاجەتتى زاتتار ۋاقتىلى جەتكىزىلۋدە. بۇگىندە اسكەري جيىنعا شاقىرىلعان ساربازدار وزگە دە قىزمەتتەرمەن بىرگە اۋدان اۋماعىندا زالاسىزداندىرۋ جۇمىستارىن جوسپارعا ساي جۇرگىزۋدە.