شىمكەنت: تاۋارلىق گازدى تاسىمالداۋ قىزمەتىنە تاريف تومەندەتىلدى

2768
Adyrna.kz Telegram
https://adyrna.kz/content/uploads/2020/04/shymقala-1-960x500.jpg?token=730a29d3f9be7ca36a7920556606bb18
شىمكەنت قالاسىندا «يۋجكاز ترانسسەرۆيس» جشس-نىڭ تاۋارلىق گازدى تاسىمالداۋ قىزمەتىنە تاريف تومەندەتىلدى. بۇل تۋرالى شىمكەنت قالالىق تابيعي مونوپوليالاردى رەتتەۋ دەپارتامەنتى حابارلادى. قازاقستان رەسپۋبليكاسى ۇلتتىق ەكونوميكا مينيسترلىگى تابيعي مونوپوليالاردى رەتتەۋ كوميتەتىنىڭ شىمكەنت قالاسى بويىنشا دەپارتامەنتىمەن «يۋجكاز ترانسسەرۆيس» جشس-نىڭ تاۋارلىق گازدى گاز تاراتۋشى جۇيەلەر ارقىلى تاسىمالداۋ قىزمەتىنىڭ ءتاريفى تومەندەتىلدى. اتالعان شارا بەكىتىلگەن تاريفتەردىڭ قولدانۋ مەرزىمى اياقتالۋىنا بايلانىستى قازاقستان رەسپۋبليكاسىنىڭ «تابيعي مونوپوليالار تۋرالى» زاڭىنىڭ 15-بابىنىڭ 3-تارماعىنا سايكەس ىسكە اسىرىلدى. تاريف 1000 م3 1286,88 تەڭگەدەن 920,42 تەڭگەگە نەمەسە 28,5% تومەندەتىلىپ، 2020 جىلدىڭ 1 مامىرىنان باستاپ قولدانىسقا ەنگىزىلەدى.

شىمكەنت

پىكىرلەر