كوممۋنالدىق قىزمەتتەر بويىنشا كومەككە ءوتىنىمدى قاشان بەرۋگە بولادى؟
باسقا ادام كومممقىزمەتتەردى تولەۋگە ءوتىنىم بەرە الا ما؟
ء"يا، جاقىن تۋىس نەمەسە باسقا ۋاكىلەتتى تۇلعا. بۇل رەتتە راستايتىن قۇجاتتار تالاپ ەتىلمەيدى", - دەدى ول.
ەكى ايدىڭ تولەمى 30 مىڭ تەڭگەدەن از بولسا، وندا قالدىعى قايتارىلا ما؟
"جوق، قالدىق كەلەسى ايلارعا تولەم شوتىنا وتەدى", - دەدى ول.
ءساۋىر ايىندا ۇلگەرمەگەندەر مامىر ايىندا الا الا ما؟
ء"يا، تولەم مامىر ايىندا باستالادى، ويتكەنى ءساۋىر ايىنىڭ ەسەبى مامىر ايىندا قويىلادى. سوندىقتان كۇتە تۇرۋ كەرەك", - دەدى بەيبىت شاحانوۆ.
ءسىز جالدامالى پاتەردە تۇرساڭىز؟
"قازىر اكىمدىكتەرگە مۇقتاجدار ساناتى تۇراتىن شوتتار بويىنشا تولەمدەر جىبەرۋگە مۇمكىندىك بەرەمىز", - دەدى ول.
ونىڭ ايتۋىنشا، قازاقستاندىقتاردان كۇن سايىن ءوتىنىش كەلىپ تۇسەدى. الدىن الا ەسەپتەۋلەر بويىنشا، 1 ميلليون 600 مىڭ ادام كومەك الادى.
مەملەكەتتىك ورگانداردىڭ ۇسىنىسى نەگىزىندە تولەم الۋشىلاردىڭ كەلەسى ساناتتارى انىقتالدى:
- 1, 2, 3 توپ مۇگەدەكتەرى;
- مۇگەدەك بالالاردى تاربيەلەپ وتىرعان وتباسىلار;
كوپبالالى وتباسىلار; - ۇلى وتان سوعىسىنىڭ مۇگەدەكتەرى مەن قاتىسۋشىلارى، ۇلى وتان سوعىسى مۇگەدەكتەرى مەن قاتىسۋشىلارىنا تەڭەستىرىلگەن تۇلعالار;
- مەملەكەتتىك نەمەسە قوعامدىق مىندەتتەرىن، اسكەري قىزمەتىن ورىنداۋ بارىسىندا، عارىش كەڭىستىگىنە ۇشۋعا دايىندىق بارىسىندا نەمەسە ۇشۋ كەزىندە، ادام ءومىرىن قۇتقارۋ جانە قۇقىق ءتارتىبىن ساقتاۋ كەزىندە قازا تاپقان تۇلعالاردىڭ وتباسىلارى;
- تومەن جانە ودان از زەينەتاقى الاتىن زەينەتكەرلەر;
- اتاۋلى الەۋمەتتىك كومەك الاتىن ازاماتتار، ونىڭ ىشىندە جالعىزباستى زەينەتكەرلەر.