جاپونيا الەمگە COVID-19-دى بىرنەشە مينۋتتا انىقتاي الاتىن ەكسپرەسس-تەستتى ۇسىنۋعا دايىن.
بۇل تۋرالى "حابار 24" جەدەل شتابتىڭ تەلەگرام كانالىنا سىلتەمە جاساپ حابارلادى.
بۇل ەلدە 13 مامىردا 15 مينۋتتىڭ ىشىندە پاتسيەنتتەن جاڭا تۇردەگى كوروناۆيرۋستى انىقتاي الاتىن جاڭا ەكسپرەسس-تەست ماقۇلدانۋى مۇمكىن.
Sankei گازەتىندە جازىلعانداي، تەستىلەۋ جيىنتىعى اعزادا كوروناۆيرۋس انتيگەندەرىن انىقتاۋعا مۇمكىندىك بەرەدى، ۆيرۋستى جۇقتىرعان ادامنىڭ يممۋندىق جۇيەسى وعان قارسى دەنەلەر شىعارادى. ەگەر بۇل ازىرلەمەنى جاپونيا ۇكىمەتى ماقۇلداسا، وسىنداي ەكسپرەسس-زەرتتەۋدى اۋرۋحانالاردا تىكەلەي جۇرگىزۋگە بولادى. بىرنەشە ساعات جۇرگىزىلەتىن پتر-تەستتەر ءۇشىن تەك زەرتحانالىق جاعداي قاجەت. ساراپشىلار اتاپ وتكەندەي، پتر-انالوگتاردىڭ قورىتىندىسى جاڭا جۇيەلەرگە قاراعاندا دالىرەك، سوندىقتان بيلىك بارىنشا تيىمدىلىككە قول جەتكىزۋ ءۇشىن ولاردى قاتار پايدالانۋعا نيەتتى. جاپونيادا كوروناۆيرۋستى جۇقتىرعان ادامداردىڭ جالپى سانى 16,4 مىڭنان استى، 270 ادامنىڭ دەنساۋلىعى اۋىر جاعدايدا، 637 ادام كوز جۇمعان.
