ۇكىمەت "5-10-20" جوباسىنا "نۇرلى جەر" باعدارلاماسى اياسىندا 390 ميلليارد تەڭگە ءبولۋدى ماقۇلدادى. 5 پايىز مولشەرلەمە ارقىلى بەرىلەتىن نەسيەنى تەك اكىمدىكتىڭ ءۇي كەزەگىندە تۇرعان باسپاناعا مۇقتاج ادامدار عانا الادى، دەگەن جاۋاپ جازدى يندۋستريا جانە ينفراقۇرىلىمدىق دامۋ مينيسترلىگىنىڭ ءباسپاسوز قىزمەتى Tengrinews.kz تىلشىسىنىڭ ساۋالىنا.
ەل پرەزيدەنتى قاسىم-جومارت توقاەۆ 11 مامىردا وتكەن مەملەكەتتىك كوميسسيانىڭ وتىرىسىندا قر يندۋستريا جانە ينفراقۇرىلىمدىق دامۋ مينيسترلىگى حالىقتى ۇيمەن قامتاماسىز ەتۋ ءۇشىن "5-10-20" نەسيەلىك باعدارلاماسىن باستايتىنىن ايتتى.
"180 ميلليارد تەڭگە اكىمدىكتەرگە وبليگاتسيالىق قارىز تۇرىندە كرەديتتىك تۇرعىن ءۇي قۇرىلىسىن قارجىلاندىرۋعا جانە جالپى قۇرىلىس سالاسىن قولداۋعا جانە حالىقتى جۇمىسپەن قامتۋدى قامتاماسىز ەتۋگە ارنالعان. كەزەكتە تۇرعان ادامدار اراسىندا تۇرعىن ۇيگە قاجەتتىلىكتى ەسكەرە وتىرىپ، وڭىرلەرگە بولىنەتىن قاراجاتتىڭ قوسىمشا ليميتتەرى بەلگىلەندى", - دەلىنگەن ۆەدومستۆونىڭ جاۋابىندا.
انىقتاما:
- الماتى قالاسىنا 50 ميلليارد تەڭگە،
- نۇر-سۇلتان قالاسىنا 40 ميلليارد تەڭگە،
- شىمكەنت قالاسىنا 20 ميلليارد تەڭگە،
- تۇركىستان وبلىسىنا 14 ميلليارد تەڭگە
- قالعان وڭىرلەرگە قالعان 56 ميلليارد تەڭگە.
بۇل كورسەتىلگەن قاراجات تولىق كولەمدە وڭىرلەرگە اۋدارىلىپ، 138 جوبانى ىسكە اسىرۋ باستالدى.
"5-10-20" ارقىلى نەسيە قۇرىلىسى ەندى اياقتالىپ، پايدالانۋعا بەرىلگەن جاڭا ۇيلەردى الۋعا بەرىلەدى
حالىقتىڭ تولەم قابىلەتى سۇرانىسىن قولداۋ ءۇشىن ۇلتتىق بانكتىڭ قالعان 210 ميلليارد تەڭگە ءبولۋ (بارلىعى 390 ميلليارد تەڭگە), باعدارلاماعا قاجەتتى ناقتىلاۋ ەنگىزۋ، سونداي-اق پوتەنتسيالدى ساتىپ الۋشىلارمەن ىرىكتەۋ راسىمدەرى بويىنشا ماسەلەلەر پىسىقتالىپ جاتىر.
بۇل قاراجاتقا اكىمدىكتەردىڭ كەزەكتە تۇرعان ادامدارىنا "5-10-20" پيلوتتىق جوباسى بويىنشا باستاپقى تۇرعىن ءۇي ساتىپ الۋ ءۇشىن 10 پايىز باستاپقى جارناسىمەن جىلدىق 5 پايىزبەن قارىزدار بەرىلەدى.
"بۇل قارجىعا اكىمدىكتەردە كەزەكتە تۇرعان ادامدار 10 پايىز العاشقى جارناسىن سالىپ، 5 پايىزدىق مولشەرلەمەمەن قۇرىلىسى ەندى اياقتالىپ، پايدالانۋعا بەرىلگەن ءۇيدى الا الادى. ياعني، بۇل جوبا بويىنشا بۇرىن پايدالانۋعا بەرىلگەن (ۆتوريچنوە جيلە) ۇيدەن ساتىپ الا المايدى. نەسيەنى "قازاقستاننىڭ تۇرعىن ءۇي قۇرىلىس جيناق بانكى بەرەدى". جىل سوڭىنا دەيىن وسىنىڭ نەگىزىندە "وتباسى بانكىن" قولداۋ جانە دامىتۋ ينستيتۋتى قۇرىلادى. بۇل ينستيتۋتتىق قۇرىلىمدى جاڭعىرتۋ اياسىندا ىسكە اسىرىلادى", - دەپ جازدى يدم ءباسپاسوز قىزمەتى.
نەسيە تەك اكىمدىكتە ءۇي كەزەگىندە ەسەپكە تۇرعان باسپاناعا مۇقتاج ادامدارعا بەرىلەدى
سوندىقتان ءۇي العىسى كەلەتىن ازاماتتار اكىمدىكتىڭ كەزەگىندە بولۋى كەرەك. تىزىمدە بار ازاماتتار عانا نەسيە الۋعا ءوتىنىش بەرە الادى. اكىمدىكتەردىڭ سوڭعى مالىمەتتەرىنە سۇيەنسەك، 540 مىڭ ادام ۇي الۋعا كەزەككە تۇر. ال، بۇل جوبا اياسىندا تەك 18 مىڭ ادامعا ءۇي بەرىلەدى.
"ودان ءارى ەسەپكە تۇرۋ كەرەك. تۇرعىن ۇيگە مۇقتاج رەتىندە كەزەككە قويۋ ورتالىقتاندىرىلعان جۇيە ارقىلى جۇرگىزىلەدى. تۇرعىن ءۇي الۋ ءۇشىن نەسيە - بارلىق قارجى قايتارىلۋى كەرەك. بۇل مەحانيزم 18 مىڭعا تارتا ادامدى ۇيمەن قامتۋعا مۇمكىندىك بەرەدى", - دەپ جازىلعان مينيسترلىكتىڭ جاۋابىندا.
"5-10-20" بويىنشا ءۇيدىڭ باعاسى قانداي بولماق
"تۇرعىن ءۇي قۇرىلىس جيناق بانكى" باسقارما توراعاسى لياززات يبراگيموۆانىڭ ايتۋىنشا، نەسيەنىڭ ماكسيمال سوماسى ءار وڭىرگە بايلانىستى:
نۇر-سۇلتان، الماتى جانە وسى قالالاردىڭ شەت اۋماقتارىنىڭ تۇرعىندارى ءۇشىن 18 ميلليون تەڭگەدەن اسپايدى;
اتىراۋ، اقتاۋ، اقتوبە، شىمكەنت، تۇركىستان جانە قاراعاندى وبلىستارىنىڭ تۇرعىندارى ءۇشىن 15 ميلليون تەڭگەدەن اسپايدى;
قالعان وڭىرلەر ءۇشىن 12 ميلليون تەڭگەدەن اسپاۋى ءتيىس.
دەگەنمەن بۇعان دەيىن قابىلدانعان "7-20-25" جانە "باقىتتى وتباسى" باعدارلامالارى جۇمىس ىستەي بەرەدى. ولارعا قاجەتتى قارجى قاراستىرىلعان. سونداي-اق بۇل شارالار حالىقتى ۇيمەن قامتىپ قويماي، كاسىپكەرلىكتى دامىتىپ، 15 مىڭعا جۋىق جۇمىس ورنىن اشۋعا مۇمكىندىك بەرەدى.
"نۇرلى جەر" مەملەكەتتىك باعدارلاماسىنا ءتيىستى تۇزەتۋلەر ەنگىزىپ "5-10-20" يپوتەكاسى جىل سوڭىندا ىسكە قوسىلادى.
